Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sálfræðingur í bráða- og ráðgjafaþjónustu geðþjónustu

Sálfræðiþjónusta Landspítala vill ráða til starfa tvo metnaðarfulla og sjálfstæða sálfræðinga með góða samskiptafærni og áhuga á að vinna með fólki sem er að takast á við bráðan geðvanda.

Störfin eru staðsett í bráða- og ráðgjafaþjónustu geðþjónustu. Þar starfar þverfaglegur hópur heilbrigðisstarfsfólks og er starfsemin fjórþætt:

bráðamóttaka sjúklinga sem eiga við bráð geðræn veikindi að stríða
skammtíma eftirfylgd eftir komu í bráðaþjónustu
ráðgjafaþjónusta fyrir bráðamóttöku í Fossvogi
ráðgjafaþjónusta fyrir legudeildir Landspítala

Lögð er áhersla á öfluga þverfaglega teymisvinnu og stöðuga þróun.

Um er að ræða faglega krefjandi starf á spennandi vettvangi fyrir sálfræðinga sem hafa áhuga á nýsköpun og framþróun í starfi. Landspítali er þverfaglegur vinnustaður og býður upp á líflegt starfsumhverfi.

Hjá sálfræðiþjónustunni starfa um 80 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð. Lögð er áhersla á að sálfræðingar á Landspítala fái öfluga handleiðslu og símenntun í faginu.

Ráðið er í starfið frá 1. september 2026 eða eftir nánara samkomulagi.

Helstu verkefni og ábyrgð

Greining, mat og meðferð á geðrænum vanda, gagnreynd sálfræðileg inngrip og ráðgjöf
Einstaklings- og hópmeðferð
Námskeiðahald, ráðgjöf og fræðsla
Handleiðsla og þjálfun nema í klínískri sálfræði í samræmi við reynslu
Þátttaka í þróun og uppbyggingu sálfræðiþjónustu á Landspítala
Þátttaka og uppbygging á þverfaglegri teymisvinnu

Menntunar- og hæfniskröfur

Íslenskt starfsleyfi sálfræðings
Þekking og reynsla af sálfræðilegri greiningu og sálmeinafræði
Þekking og reynsla af gagnreyndum aðferðum til að vinna með aðkallandi vanda t.d. gerð viðbragðsáætlunar við sjálfsvígshættu er kostur
Áhugi á að vinna í spítalaumhverfi, reynsla af því að hafa unnið í spítalaumhverfi er kostur
Framúrskarandi samskiptafærni
Hæfni til að vinna sjálfstætt og sýna frumkvæði
Reynsla af þátttöku í þverfaglegri teymisvinnu heilbrigðisstétta æskileg
Góð íslenskukunnátta skilyrði

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sálfræðingur

Tungumálahæfni: íslenska 4/5

Staðsetning: Hringbraut, 101 Reykjavík

Nánari upplýsingar

Solveig Erna Jónsdóttir

Verkefnastjóri sálfræðinga

Tölvupóstur: [email protected]

Þórey Rósa Einarsdóttir

Deildarstjóri bráða- og ráðgjafaþjónustu

Tölvupóstur: [email protected]

Auglýsing birt16. júlí 2026

Umsóknarfrestur14. ágúst 2026