Lífeindafræðingur, Ísótópastofu

Við leitum að jákvæðum og metnaðarfullum lífeindafræðingi til að ganga til liðs við öflugt teymi okkar á Ísótópastofu Landspítala, þar sem sinnt er læknisfræðilegri myndgreiningu og meðferðum.

Um er að ræða spennandi starf í sérhæfðu umhverfi þar sem unnið er með háþróaða tækni við rannsóknir og greiningu. Starfið krefst mikillar nákvæmni, vandaðra vinnubragða og góðrar samvinnu við sjúklinga. Viðkomandi mun vinna náið með aðstoðardeildarstjóra Ísótópastofu, læknum deildarinnar og læknisfræðilegum eðlisfræðingi.

Á deildinni er lögð áhersla á öryggi, jafnrétti, ábyrgan rekstur, góðan starfsanda og nýliðun í stéttinni. Þá leggjum við sérstaka áherslu á jákvæðni, fagmennsku og virðingu gagnvart vinnustaðnum og samstarfsfólki.

Ísótópastofa er sú eina á landi sem sinnir ísótóparannsóknum, þar með talið jáeindaskannarannsóknum, og því fáum við fólk til okkar allstaðar af landinu. Einnig fara þar fram meðferðir með geislavirkum efnum.

Lögð er áhersla á gott samstarf innan deildarinnar og virka samvinnu við aðrar einingar spítalans til að tryggja góða þjónustu við sjúklinga.

Við hvetjum áhugasama lífeindafræðinga til að sækja um og taka þátt í að þróa og efla þjónustu okkar.