Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur - Dagvinna á Laugarásnum meðferðargeðdeild

Skemmtilegt og lærdómsríkt starf - frábært samstarfsfólk - góður starfsandi - tækifæri til að þróa hæfni í geðhjúkrun, málastjórn, teymisvinnu og samskiptum.

Við leitum að áhugasömum og metnaðarfullum hjúkrunarfræðingi til starfa á Laugarásnum, meðferðargeðdeild innan geðþjónustu Landspítala. Laugarásinn er sérhæfð legu- og dagdeild fyrir ungt fólk á aldrinum 18-35 ára með geðrofssjúkdóma á byrjunarstigi. Þar fer fram fjölbreytt starf í snemmíhlutun þar sem hjúkrunarfræðingar gegna lykilhlutverki. Í starfinu felst bæði málastjórn sem og ábyrgð á sérhæfðum verkefnum hjúkrunar.

Starfsemi Laugarássins er í stöðugri þróun og er áhersla lögð á einstaklingsmiðaða þjónustu og virkt samstarf við aðstandendur. Á deildinni starfa um 40 einstaklingar og einkennist samstarfið af þverfaglegri nálgun, krefjandi greiningarvinnu og góðum starfsanda. Lögð er sérstök áhersla á starfsþróun, m.a. fær starfsfólk þjálfun og handleiðslu í áhugahvetjandi samtalstækni og grunnþáttum hugrænnar atferlismeðferðar. Mikið er lagt upp úr virku umbótastarfi og lögð er áhersla á virka þátttöku hjúkrunarfræðinga og annarra fagstétta þegar kemur að því að þróa og bæta þjónustuna.

Nýliðar í hjúkrun sem og reynslumeiri hjúkrunarfræðingar eru hvattir til þess að sækja um. Hjúkrunarfræðingar í geðþjónustu Landspítala hafa tækifæri til þess að hljóta sérhæfða fagþjálfun hjá sérfræðingi í geðhjúkrun sem hefur reynst vel fyrir starfsþróun og framgang í starfi.

Starfshlutfall er 80-100% og er um dagvinnu að ræða, ásamt því að bakvaktir tilheyra starfinu eftir sex mánaða reynslutíma. Starfið er laust frá 17. ágúst 2026 eða samkvæmt samkomulagi.

Menntunar- og hæfniskröfur

Íslenskt hjúkrunarleyfi

Faglegur metnaður og ábyrgð í starfi sem og einlægur áhugi á geðhjúkrun og öllu sem því starfi tengist, sér í lagi að starfa með ungu fólki

Reynsla af geðhjúkrun er kostur

Mjög góð samskiptahæfni og leiðtogahæfileikar

Stundvísi, áreiðanleiki og lausnamiðun

Færni til að hafa góða yfirsýn yfir fjölþætt starf deildarinnar

Jákvæðni og sveigjanleiki gagnvart hinum ýmsu störfum sem til falla í starfsemi deildarinnar

Góð íslenskukunnátta

Helstu verkefni og ábyrgð

Virk þátttaka í þverfaglegu samstarfi, fræðslustarfi og framþróun í starfi deildarinnar

Sérverkefni hjúkrunar sem tengjast starfi deildarinnar svo sem vaktstjórn, lyfjagjafir, eftirlit með blóðprufum, bakvaktir og yfirsýn yfir þjónustuþega hópinn

Fjölbreytt meðferðarstarf tengt snemmíhlutun í geðrofssjúkdóma

Málastjórn fyrir einstaklinga sem sækja þjónustu sem felur í sér almenna uppvinnslu, greiningu á einkennum, færni og getu sem og gerð meðferðaráætlana

Markvisst samstarf með aðstandendum

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið ear mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Tungumálahæfni: íslenska 4/5

Staðsetning: Laugarás, 104 Reykjavík

Félag íslenskra hjúkrunarfræðinga Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. is is

Nánari upplýsingar

Lilja Dögg Bjarnadóttir

Tölvupóstur: [email protected]

Sími: 824-1324

Auglýsing birt16. júní 2026

Umsóknarfrestur29. júní 2026

Tungumálahæfni

Íslenska

Nauðsyn

Mjög góð

Starfstegund

Starfsgreinar

Starfsmerkingar

Fleiri störf (50)