Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Verkefnastjóri á innkaupadeild

Ertu jákvæður, lausnamiðaður og þjónustulipur einstaklingur með yfirgripsmikla þekkingu og reynslu á hjúkrunar- og rekstrarvörum?

Innkaupadeild Landspítala leitar að öflugum, skipulögðum og áhugasömum verkefnastjóra til samstarfs við útboðsteymi innkaupadeildar sem sér um opinber innkaup á vörum, tækjum og þjónustu. Við leitum að einstaklingi sem hefur góða skipulagshæfni, framúrskarandi samskiptahæfni og áhuga á að skapa árangur í flóknu og krefjandi umhverfi.

Innkaupadeild Landspítala heyrir undir rekstrar- og mannauðssvið Landspítala en helstu verkefni deildarinnar eru útboð, verðfyrirspurnir, samningskaup, samningar, eftirfylgni samninga og samningastjórnun. Verkefnastjóri við opinber innkaup á hjúkrunar og rekstrarvörum á Innkaupadeild er í miklum samskiptum við hagaðila innan Landspítala og birgja á markaði.

Starfshlutfall er 100% og er upphafsdagur starfs samkomulag.

Helstu verkefni og ábyrgð

Vinna við undirbúning og úrvinnslu á útboðum í rafrænu útboðskerfi
Vinna við verðfyrirspurnir, samningskaup og samningsgerð
Samstarf og ráðgjöf við deildir Landspítala (hagaðila) við þarfagreiningu og mótun á tæknilegum og klínískum kröfum í útboðum
Greina tækifæri til hagkvæmustu innkaupa á heilbrigðismarkaði
Eftirfylgni með samningum, gæðum og þjónustustigi birgja (samningastjórnun)
Aðkoma að gerð ferla og verklagsreglna um opinber innkaup

Menntunar- og hæfniskröfur

Háskólapróf sem nýtist í starfi, háskólapróf í hjúkrunarfræði eða önnur menntun á sviði heilbrigðisvísinda er mikill kostur
Viðbótarmenntun í Verkefnastjórnun (t.d. MPM, IPMA eða PRINCE2 vottun) og/eða menntun á sviði viðskipta eða opinberrar stjórnsýslu er mikill kostur
A.m.k. 5 ára starfsreynsla, reynsla úr heilbrigðiskerfinu er mikill kostur
Þekking á lögum um opinber innkaup nr. 120/2016 og reglugerðum á því sviði er kostur
Þekking á heilbrigðismarkaði og reglugerðum er varða lækningatæki og rekstrarvörur
Þekking og reynsla á hjúkrunar- og rekstrarvörum
Áhugi á innkaupum og hagræðingu í innkaupum
Þekking og eða áhugi á umhverfismálum
Reynsla af notkun rafrænna útboðskerfa (sérstaklega TendSign) er mikill kostur
Reynsla af verkefnastjórnun og hagnýtri gagna- og markaðsgreiningu er kostur
Hæfni til að starfa undir álagi og forgangsraða verkefnum
Góð íslensku- og enskukunnátta, bæði í töluðu og rituðu máli, þekking á norðurlandamáli er mikill kostur
Skipulögð, nákvæm og öguð vinnubrögð ásamt viðeigandi tölvufærni
Framúrskarandi samstarfshæfni, jákvætt viðmót og rík þjónustulund

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklinagr starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Tungumálahæfni: Íslenska 4/5, enska 4/5

Starfsmerkingar: Heilbrigðisþjónusta, innkaupafulltrúi, skrifstofustarf

Nánari upplýsingar

Hulda Harðardóttir

Tölvupóstur: [email protected]

Auglýsing birt30. júní 2026

Umsóknarfrestur7. ágúst 2026

Tungumálahæfni