Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ráðgjafi/ stuðningsfulltrúi á Laugarásnum meðferðargeðdeild

Áhugasamur og metnaðarfullur ráðgjafi/ stuðningsfulltrúi óskast til starfa á Laugarásnum meðferðargeðdeild í geðþjónustu Landspítala. Laugarásinn er sérhæfð deild fyrir ungt fólk með geðrofssjúkdóm á byrjunarstigi. Þar er unnið fjölbreytt og sérhæft starf í snemmíhlutun geðrofssjúkdóma fyrir einstaklinga á aldrinum 18-35 ára. Á deildinni eru 8 sólarhringspláss en að stærstum hluta er starfsemi deildarinnar dagdeild þar sem um 100 einstaklingar sækja þjónustu.

Starfsemi Laugarássins er í stöðugri þróun og er áhersla lögð á einstaklingsmiðaða þjónustu og virkt samstarf við aðstandendur. Á deildinni starfa um 40 manns og einkennist samstarfið af þverfaglegri nálgun, krefjandi greiningarvinnu og góðum starfsanda. Sérstök áhersla lögð á starfsþróun, m.a. fær starfsfólk þjálfun og handleiðslu í áhugahvetjandi samtalstækni og grunnþáttum hugrænnar atferlismeðferðar. Einnig er lagt mikið upp úr fræðslu og handleiðslu starfsmanna. Mikið er lagt upp úr virku umbótastarfi og lögð er áhersla á virka þátttöku starfsfólks þegar kemur að því að þróa og bæta þjónustuna.

Óskað er eftir ráðgjöfum í 80-100% starf í vaktavinnu. Upphafstími ráðningar er 10. ágúst eða eftir samkomulagi.

Menntunar- og hæfniskröfur

Háskólamenntun sem nýtist í starfi

Starfsreynsla af sambærilegum störfum er kostur

Einlægur áhugi á að starfa með ungu fólki með geðrænan vanda

Góð samstarfshæfni, færni í samskiptum, skapandi hugsun og frumkvæði í starfi, stundvísi og reglusemi

Jákvætt hugarfar, metnaður og áhugi á að starfa við endurhæfingu ungra einstaklinga

Góð almenn tölvukunnátta og færni í mæltu og rituðu máli

Góð íslenskukunnátta er skilyrði, önnur tungumálakunnátta er kostur

Helstu verkefni og ábyrgð

Vinna með ungum einstaklingum með byrjandi geðrofssjúkdóm

Samskipti, hvatning, leiðbeiningar og víðtækur stuðningur

Virk þátttaka í þverfaglegu samstarfi og umbótavinnu deildar

Ýmis fjölbreytt og mikilvæg verkefni sem starfsemi deildarinnar felur í sér

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. ngum.

Starfsmerkingar: Heilbrigðisþjónusta, ráðgjafi, stuðningsfulltrúi, teymisvinna

Tungumálahæfni: íslenska 4/5

Nánari upplýsingar

Lilja Dögg Bjarnadóttir

Tölvupóstur: [email protected]

Sími: 824-1324

Auglýsing birt25. júní 2026

Umsóknarfrestur8. júlí 2026

Tungumálahæfni

Íslenska

Nauðsyn

Mjög góð

Starfstegund

Starfsgreinar

Starfsmerkingar

Fleiri störf (50)