Hjá TG raf starfar traustur, samheldinn og metnaðarfullur hópur fólks sem leggur metnað og krafta í að ná markmiðum um góða og örugga þjónustu við viðskiptavini okkar. TG raf er löggiltur rafverktaki sem býður upp á faglega og trausta þjónustu við útgerðir, vinnslur, virkjanir, byggingarverktaka og önnur fyrirtæki á Höfuðborgarsvæðinu og á Suðurnesjum. Starfsfólk okkar fær tækifæri til að starfa við fjölbreytt og spennandi verkefni í jákvæðu starfsumhverfi þar sem velferð starfsmanna er í fyrirrúmi, en starfsemi TG raf skiptist í tvö starfssvið. Á skipa- og iðnaðarsviði er þjónusta við útgerðir, vinnslur og virkjanir á sviði viðhalds, stýringa og hönnunar á vinnslulínum og millidekkjum. Lögð er áhersla á heildarlausn í hverju verkefni fyrir sig þar sem teymi innan fyrirtækisins vinnur að hönnun, teikningu og viðhaldi í framhaldinu. Mannvirkjasvið sér um nýbyggingar og viðhald raflagna í mannvirkjum ásamt m.a. þjónustu við brunakerfi, töflusmíði og gatnalýsingu fyrir ríki og sveitarfélög.