Sinfóníuhljómsveit Íslands

Sinfóníuhljómsveit Íslands hefur verið leiðandi afl í íslensku tónlistarlífi í 70 ár og hefur um árabil verið í fremstu röð hljómsveita á Norðurlöndum. Hljómsveitin hefur fengið afbragðs dóma jafnt fyrir hljóðritanir sínar sem og tónleika heima og erlendis. Hún heldur um 100 tónleika á hverju starfsári, m.a. áskriftartónleika með heimsþekktum stjórnendum og einleikurum, en á einnig samstarf við listafólk úr öðrum greinum tónlistar. Harpa, tónlistar- og ráðstefnuhús, er heimili Sinfóníuhljómsveitar Íslands. Starfsmannafjöldi SÍ er um 100 manns. Nánari upplýsingar á sinfonia.is.

Vinnustaðurinn

Nótnavörður Sinfóníuhljómsveitar Íslands

Sinfóníuhljómsveit Íslands leitar að ábyrgum og vandvirkum nótnaverði til að ganga til liðs hljómsveitina. Um er að ræða fjölbreytt og mikilvægt starf þar sem þjónustulund, fagmennska, og þekking á hljómsveitartónlist fara saman.

Helstu verkefni og ábyrgð

Umsjón með pöntun, kaupum, leigu og skilum á nótum fyrir hljómsveitina
Viðhald og skipulagning nótnasafns hljómsveitarinnar
Samskipti og samningar við innlenda og erlenda rétthafa vegna leigu á nótum
Móttaka og vinnsla rafrænna nótna frá tónskáldum, útsetjurum eða öðrum rétthöfum
Þjónusta við hljóðfæraleikara, hljómsveitarstjóra, tæknifólk
Stuðningur við undirbúning hæfnisprófa og prufuspila

Menntunar- og hæfniskröfur

Háskólamenntun sem nýtist í starfi
Rík samskiptahæfni og þjónustulund
Þekking á skráningu gagna og nótnaforlögum
Góð þekking á hljómsveitartónlist, færni í nótnalestri og greiningu villna í nótum
Þekking á uppbyggingu sinfóníuhljómsveita og hljóðfærum þeirra
Gott tæknilæsi og hæfni í notkun rafrænna verkfæra, s.s. OPAS og skönnunarkerfa
Sjálfstæði, frumkvæði og skipulagshæfni
Góð kunnátta í ensku, bæði í ræðu og riti
Tónlistarlegur skilningur á algengustu nótnatungumálum, svo sem þýsku, frönsku og/eða ítölsku er kostur

Sinfóníuhljómsveit Íslands (SÍ) hefur verið leiðandi afl í íslensku tónlistarlífi í rúm 75 ár og hefur um árabil verið í fremstu röð hljómsveita á Norðurlöndum. Hljómsveitin hefur fengið afbragðs dóma jafnt fyrir hljóðritanir sínar sem og tónleika heima og erlendis. Hún heldur um 100 tónleika á hverju starfsári, m.a. áskriftartónleika með heimsþekktum stjórnendum og einleikurum, en á einnig samstarf við listafólk úr öðrum greinum tónlistar. Harpa, tónlistar- og ráðstefnuhús, er heimili Sinfóníuhljómsveitar Íslands. Starfsmannafjöldi SÍ er um 100 manns. Nánari upplýsingar á sinfonia.is.

Ráðið verður í starfið frá 1. ágúst 2025. Um er að ræða fullt starf. Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknir með ítarlegri ferilskrá og kynningarbréfi óskast fylltar út á hagvangur.is.

Nánari upplýsingar veitir Geirlaug Jóhannsdóttir, [email protected].

Auglýsing birt23. apríl 2025

Umsóknarfrestur12. maí 2025

Tungumálahæfni