Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Myllubakkaskóli óskar eftir félagsráðgjafa eða sálfræðingi

Myllubakkaskóli leitar að metnaðarfullum og áhugasömum starfsmanni með leyfi til að nota starfsheitið félagsráðgjafi eða sálfræðingur.

Í Myllubakkaskóla eru um 350 nemendur og 70 starfsmenn. Einkunnarorð skólans eru: virðing, ábyrgð, jafnrétti og árangur. Í skólanum er meðal annars lögð áhersla á jöfn tækifæri til náms, heilbrigði, vellíðan og metnað í því sem við tökum okkur fyrir hendur.

Um er að ræða 60 - 100% starf og laun og starfskjör fara eftir kjarasamningi Sambands íslenskra sveitarfélaga við viðkomandi stéttarfélag.

Ráðningar tími er eftir samkomulagi.

Helstu verkefni og ábyrgð

Að veita nemendum stuðning og aðstoð vegna félagslegra, persónulegra og tilfinningalegra þátta sem hindra það að nemandinn njóti sín í námi og í samskiptum.
Samvinna, ráðgjöf og stuðningur við starfsfólk skóla og forráðamenn.
Vinnur í nánu samstarfi við aðra sérfræðinga sem koma að málum nemenda.
Ber ábyrgð á að greina og meta þjónustuþarfir og skipuleggja úrræði sem hafa áhrif á vellíðan og velferð nemenda.
Situr í eineltisteymi skólans og veitir málum sem tengjast forvörnum gegn einelti forgöngu.
Kemur að gerð forvarnaráætlunar skólans.
Vinnur með nemendum í brottfallshættu, bæði einstaklingslega og í hópavinnu og vinnur markvisst í að finna úrræði við þeim vanda.
Veitir nemendum sem hafa orðið þolendur ofbeldis eða áfalla stuðning og fræðslu ásamt því að greina andfélagslega hegðun nemenda og nemendahópa. Vinnur einnig með gerendum í þeim málum sem upp koma.

Menntunar- og hæfniskröfur

Háskólamenntun á sviði félagsráðgjafar eða sálfræði og réttindi til að starfa sem slíkur.
Reynsla af því að starfa með börnum með áskoranir í skólastarfi.
Starfsreynsla á sviði félagsráðgjafar eða sálfræði með áherslu á börn og ungmenni.
Reynsla af því að vinna í teymisvinnu með sérfræðingum innan skólaumhverfis.
Reynsla af því að þróa og innleiða stuðnings- eða forvarnaráætlanir fyrir börn.
Sérþekking eða starfsreynsla á sviði greiningar og úrræðaleit fyrir nemendur með félagslegar eða tilfinningalegar áskoranir.
Góð samstarfshæfni og sveigjanleiki.
Frumkvæði og sjálfstæði í vinnubrögðum.
Jákvætt viðmót og góð hæfni í mannlegum samskiptum.
Áhugi á að starfa í skapandi og metnaðarfullu umhverfi.
Faglegur metnaður og ánægja af starfi með börnum.
Stundvísi og samviskusemi.
Góð íslenskukunnátta.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Sótt er um starfið á vef Reykjanesbæjar undir Laus störf. Umsókn um starfið skal fylgja skrá yfir menntun og starfsferil ásamt afriti af leyfisbréfi. Einnig er óskað eftir kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Heimilt er að sækja upplýsingar úr sakaskrá um það hvort umsækjandi hafi hlotið dóm vegna brota á ákvæðum XXII. kafla almennra hegningarlaga, sjá 3. mgr. 12. gr. laga nr. 95/2019.

Frekari upplýsingar um starfið veitir Hlynur Jónsson, skólastjóri Myllubakkaskóla, netfang: hlynur.jonsson@myllubakkaskoli.is og í síma 862 5209.

Auglýsing birt5. september 2024

Umsóknarfrestur18. september 2024

Tungumálahæfni