Sérkennslustjóri í leikskólanum Efstahjalla
Leikskólinn Efstihjalli er fimm deilda leikskóli í austurbæ Kópavogs. Leikskólinn er í grónu hverfi í göngufæri við Fossvogsdal, Kópavogsdal og Digraneshæð. Í skólanum er stuðst við þrjá stólpa í öllu starfi, fjölmenningu, Barnasáttmála Sameinuðu þjóðanna og sköpun í allri sinni mynd. Samskipti eru grunnurinn sem halda stólpunum uppi. Málörvun og málrækt er svo rauði þráðurinn í gegnum allt starfið. Leikurinn í allri sinni fjölbreytni, inni sem og úti, er kjarninn í leikskólastarfinu og helsta námsleið barnanna. Í leiknum styrkist meðal annars sjálfsmynd barnanna, félagsfærni eflist og undirbúningur fyrir formlegt nám er mikill. Efstihjalli er ríkur af fjölbreyttum tungumálum og menningarlegum bakgrunni og er það jafnframt einn af styrkleikum skólans.
Við leitum að leikskólakennara í okkar góða starfsmannahóp í Efstahjalla. Starfið er 100% og er æskilegt að viðkomandi geti hafið störf sem fyrst. Möguleiki er á að sinna sérkennslu.
Athygli er vakin á því að Kópavogur hefur samþykkt 6 tíma gjaldfrjálsan leikskóla ásamt auknum sveigjanleika og takmörkun í opnunartíma leikskóla í dymbilviku, milli jóla og nýárs og vetrarfríum. Hér má sjá meira um það
Nánari upplýsingar er að finna á heimasíðu leikskólans efstihjalli.kopavogur.is
- Leikskólakennaramenntun
- Æskilegt er að viðkomandi hafi framhaldsnám í sérkennslufræðum eða öðru því sem nýtist í starfi
- Frumkvæði í starfi, jákvæðni og að geta unnið sjálfstætt
- Hæfni í mannlegum samskiptum
- Góð íslensku kunnátta - skilyrði
- Ber ábyrgð á og stjórnar skipulagningu, framkvæmd og endurmati sérkennslunnar í leikskólanum ásamt leikskólastjóra
- Er faglegur umsjónarmaður sérkennslu í leikskólanum, annast frumgreiningu og ráðgjöf til annarra starfsmanna leikskóla
- Vinnur í nánu samstarfi við deildastjóra, foreldra/forráðamenn barna sem njóta sérkennslu í leikskólanum og situr fundi og viðtöl með þeim
- Stytting vinnuvikunnar: tekin að hluta í vetrarfríum, dymbilviku og milli jóla- og nýárs
- Frítt sundkort í Sundlaugar Kópavogs
- Styrkur til íþróttaiðkunnar
ÍslenskaFramúrskarandi
