Microsoft ráðgjafi

Viltu taka þátt í að byggja upp og leiða Microsoft ráðgjöf KPMG á Íslandi?

Microsoft Copilot, gervigreind, gögn og skýjalausnir eru að umbreyta rekstri fyrirtækja og stofnana. Við erum í sterkri sókn á þessu sviði og leitum að öflugum ráðgjafa sem vill leiða áframhaldandi uppbyggingu og vöxt Microsoft ráðgjafar KPMG á Íslandi.

Í starfinu færð þú tækifæri til að þróa ný viðskiptatækifæri, byggja upp sterk tengsl og hjálpa viðskiptavinum að ná raunverulegum árangri með Microsoft lausnum. Þú munt vinna þvert á ráðgjöf, sölu og stefnumótun ásamt því að eiga samstarf við sérfræðinga KPMG hér á landi og erlendis.

Ef þú hefur brennandi áhuga á tækni og viðskiptaþróun og vilt hafa áhrif á hvernig fyrirtæki nýta Microsoft lausnir, viljum við heyra frá þér.

Helstu verkefni og ábyrgð:

• Byggja upp og þróa viðskiptatækifæri á sviði Microsoft.
• Ráðleggja stjórnendum fyrirtækja og stofnana og leiða umbreytingarverkefni frá hugmynd að árangri.
• Móta og kynna lausnir á sviði Microsoft Copilot, Microsoft 365, Data & AI og Power Platform.
• Greina þarfir viðskiptavina og tengja þær við lausnir sem skapa mælanlegt virði.
• Byggja upp öflug tengsl við viðskiptavini, Microsoft og samstarfsaðila.
• Taka virkan þátt í að móta og þróa þjónustuframboð KPMG á sviði Microsoft-lausna.

Hæfniskröfur:

• Háskólamenntun sem nýtist í starfi.
• Reynsla af ráðgjöf, sölu eða viðskiptaþróun, helst á sviði upplýsingatækni.
• Góð þekking á Microsoft lausnum og skilningur á því hvernig tækni getur skapað virði fyrir viðskiptavini.
• Reynsla af því að greina og þróa ný viðskiptatækifæri og byggja upp viðskiptasambönd.
• Framúrskarandi samskipta- og samstarfshæfni og geta til að byggja upp traust.
• Frumkvæði, drifkraftur og metnaður til að ná árangri.
• Sjálfstæð og skipulögð vinnubrögð og hæfni til að vinna vel í teymi.
• Góð íslensku- og enskukunnátta í töluðu og rituðu máli.

Í samræmi við markmið okkar í jafnréttismálum hvetjum við allt fólk til að sækja um óháð kyni.

Að vinna hjá KPMG

Hjá KPMG á Íslandi starfa um 240 einstaklingar á 10 skrifstofum um land allt. Við erum fjölbreyttur hópur með ólíka menntun og reynslu sem vinnur saman að því að skapa virði fyrir viðskiptavini og samfélagið.

Við leggjum áherslu á öfluga starfsþróun, sveigjanleika og stuðningsríkt vinnuumhverfi þar sem fólk fær tækifæri til að vaxa, deila þekkingu og ná árangri saman.

Nokkur dæmi um kosti þess að vinna hjá KPMG:

• Fjölbreytt og krefjandi verkefni með raunveruleg áhrif.
• Öflug tækifæri til starfsþróunar og samstarfs við sérfræðinga KPMG hér á landi og erlendis.
• Sveigjanlegt vinnuumhverfi og möguleiki á að vinna frá mismunandi starfsstöðvum og að heiman þegar við á.
• Heilsueflandi vinnustaður með líkamsræktarstyrk, samgöngustyrk og KPMGfit æfingum.
• Fyrsta flokks mötuneyti í Borgartúni með fjölbreyttu og hollu fæði.
• Stuðningur við andlega heilsu í gegnum Kara velferðartorg.
• Stuðningsúrræði og styrkur fyrir verðandi og nýbakaða foreldra.
• Einn launaður dagur á ári til sjálfboðavinnu.
• Og margt fleira.

Umsóknarfrestur er til og með 20. október.

Umsóknir ásamt ferilskrá og kynningarbréf óskast fylltar út á heimasíðu KPMG (sækja um hér til hliðar). Nánari upplýsingar veita Hildur Steinþórsdóttir, sérfræðingur í mannauðsmálum, í [email protected] og Davíð Halldórsson, hluthafi ráðgjafarsvið, í [email protected].