Mannauðssviðs Skattsins leitar að sérfræðingi í launavinnslu

Mannauðssvið Skattsins leitar að traustum og öflugum einstaklingi í launavinnslu með aðkomu að ýmsum mannauðstengdum verkefnum. Um er að ræða 100% starf í höfuðstöðvum Skattsins, Katrínartúni 6. Æskilegt er að viðkomandi geti hafið störf sem fyrst. Unnið er með mannauðs- og launakerfi ríkisins, Orra.

Hjá Skattinum starfa tæplega 500 einstaklingar sem sinna fjölbreyttum verkefnum á 12 starfsstöðvum um allt land. Gildi Skattsins eru fagmennska, framsækni og samvinna.

Meginstefna Skattsins í mannauðsmálum byggir á gagnkvæmu trausti, samvinnu, tillitssemi og virðingu á milli allra innan stofnunarinnar þar sem leitast er við að stuðla að öflugri liðsheild í hvetjandi, heilsueflandi og öruggu umhverfi. Mannauðurinn er lykilþáttur í árangri Skattsins í því að veita framúrskarandi þjónustu á sviði skatta og tolla, tollgæslu og innheimtu.

Lögð er áhersla á starfsmiðaða þekkingu og þróun mannauðs þar sem leitast er við að ávallt sé ráðið hæfileikaríkt starfsfólk þar sem jafnréttisstefnu Skattsins er fylgt til að sem jöfnustu hlutfalli kynja í sambærilegum störfum sé gætt.