Lögfræðingur – Innkaupasvið Fjársýslunnar

Fjársýslan óskar eftir að ráða metnaðarfullan lögfræðing til starfa á innkaupasviði stofnunarinnar. Á innkaupasviði starfar hópur sérfræðinga sem aðstoðar opinbera aðila við innkaup og útboð, annast gerð miðlægra samninga um innkaup og veitir margvíslega ráðgjöf og aðstoð jafnt lögfræðilega sem og útboðstæknilega. Lögfræðingurinn kemur til með að starfa í nánu samstarfi við innkaupasérfræðinga og aðra starfsmenn stofnunarinnar og stuðla að hagkvæmum, sjálfbærum og nýskapandi opinberum innkaup í samræmi við markmið laga nr. 120/2016 um opinber innkaup. Enn fremur leggja sitt af mörkum við að tryggja jafnræði meðal fyrirtækja og stuðla að gagnsæi og virkri samkeppni í opinberum innkaupaferlum.

Starfið krefst lausnamiðaðar hugsunar, framúrskarandi greiningarhæfni og færni í að miðla þekkingu á auðskiljanlegan hátt. Lögfræðingurinn þarf að búa yfir skipulögðum og öguðum vinnubrögðum auk metnaðar til að veita framúrskarandi þjónustu og ráðgjöf til þeirra sem til hans leita.

Hvers vegna Fjársýslan?

Fjársýslan er leiðandi á sínu sviði þegar kemur að fjármálum, innkaupum og mannauðsmálum í opinberum rekstri. Stofnunin býður upp á fjölbreytt og krefjandi verkefni í fyrsta flokks starfsumhverfi þar sem fagmennska og góð aðstaða er í fyrirrúmi. Lögð er áhersla á að efla ríkisrekstur með heildstæðum umbótum, framsækinni ráðgjöf og markvissri notkun stafrænna lausna og nýrrar tækni sem á að stuðla að aukinni skilvirkni og bættri ákvarðanatöku í þágu ríkisrekstursins.