Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Vinnustaðurinn

Löglærður fulltrúi

Sýslumaðurinn á höfuðborgarsvæðinu auglýsir laust til umsóknar starf löglærðs fulltrúa á fjölskyldusviði embættisins. Starfið felur í sér stjórnsýslumeðferð erinda til sýslumanns á grundvelli barnalaga, hjúskaparlaga, lögræðislaga, laga um réttindagæslu fyrir fatlað fólk o.fl.

Helstu verkefni og ábyrgð

Greining og úrlausn, ákvarðanir um málsmeðferð og eftirfylgni mála
Upplýsingagjöf, leiðbeiningar og samskipti við viðskiptavini
Samskipti við önnur stjórnvöld sem tengjast málum

Menntunar- og hæfniskröfur

Embættiprófs eða grunn- og meistarapróf í lögfræðiStarfsreynsla sem nýtist í starfi er æskileg
Haldgóð þekking á ákvæðum þeirra laga sem unnið er með á fjölskyldusviði embættisins og helstu álitaefnum sem reynir á við túlkun þeirra
Geta til að vinna sjálfstætt að greiningu og úrlausn lögfræðilegra álitaefna
Hæfni í mannlegum samskiptum og geta til að vinna undir álagi
Skipulögð og öguð vinnubrögð
Góð almenn tölvuþekking
Færni í mæltu og rituðu máli á íslensku og ensku

Umsókn skal skilað í gegnum umsóknarkerfi Alfred.is og þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni umsækjanda í starfið. Umsækjandi þarf að hafa hreint sakavottorð, rafræn skilríki, ökuskírteini og uppfylla að öðru leyti b.-e. liði 3. gr. laga nr. 50/2014.

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Við ráðningu er tekið mið af jafnréttisstefnu Sýslumannsins á höfuðborgarsvæðinu.

Umsóknarfrestur er til og með 8. apríl 2025.

Nánari upplýsingar um starfið veitir Þóra Björk Eysteinsdóttir, mannauðsstjóri ([email protected])

Nánari upplýsingar um verkefni sýslumanna fá finna á island.is/syslumenn

Starfshlutfall er 100%. Um launakjör fer eftir kjarasamningi fjármála- og efnahagsráðherra og Stéttarfélags lögfræðinga (BHM).

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Auglýsing birt26. mars 2025

Umsóknarfrestur8. apríl 2025

Tungumálahæfni