Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Lögfræðingur á sviði umhverfisgæða

Laust er til umsóknar starf lögfræðings á sviði umhverfisgæða hjá Umhverfis- og orkustofnun. Á sviði umhverfisgæða starfa teymi hafs og vatns, teymi eftirlits og teymi efnamála. Megin verkefni lögfræðingsins verða í teymi hafs og vatns. Verkefni teymisins snúast um verndun hafs og stranda landsins gegn mengun og athöfnum sem stofnað geta heilbrigði manna og lífríki hafsins í hættu og viðbrögð við bráðamengun á hafi. Annað meginverkefni teymisins er að vinna að heildstæðri verndun vatns og vistkerfis samkvæmt lögbundnu kerfi um stjórn vatnamála. Fjölbreytt og spennandi verkefni eru í deiglunni á þessu sviði sem m.a. tengjast nýsköpunarverkefnum á sviði loftslags- og orkumála. Leitað er að lausnarmiðuðum lögfræðingi með góða samstarfshæfni sem hefur áhuga á að vinna á sviði umhverfisverndar.

Lögfræðingurinn vinnur náið með sérfræðingum um framkvæmd laga um varnir gegn mengun hafs og stranda nr. 33/2204 og lögum um stjórn vatnamála nr. 36/2011 og reglugerða settra á grundvelli þeirra og tryggir að við afgreiðslu mála sé einnig farið að reglum stjórnsýsluréttar. Framangreind löggjöf byggir að mestu á alþjóðlegum skuldbindingum og reynir því á þekkingu í landsrétti, evrópurétti og þjóðarétti. Lögfræðingar stofnunarinnar starfa saman innan sviða og einnig í samstarfshópi allra lögfræðinga stofnunarinnar.

Helstu verkefni og ábyrgð

Greining og túlkun á lögum, EES rétti og öðrum þjóðarétti á sviði haf- og vatnamála
Að tryggt sé að farið að reglum stjórnsýsluréttar við afgreiðslu mála
Lögfræðileg aðstoð við útgáfu leyfa, heimilda, afgreiðslu erinda, gerð samninga og samningsgerð
Þátttaka í innlendu og erlendu samstarfi sem tengist málefnum hafs og vatns
Samskipti við stjórnvöld, hagsmunaaðila og almenning

Menntunar- og hæfniskröfur

Embættis- eða meistarapróf í lögfræði
Þekking og reynsla af störfum á sviði stjórnsýslu
Skipulögð og sjálfstæð vinnubrögð og geta til að sýna frumkvæði
Góð samstarfshæfni og sveigjanleiki í samskiptum
Stafræn hæfni
Mjög gott vald á íslensku og ensku og færni til að tjá sig í ræðu og riti
Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa þann 1.1.2025 við sameiningu Orkustofnunar og hluta Umhverfisstofnunar.

Vinnuumhverfi nýrrar stofnunar verður metnaðarfullt og við viljum laða að öflugt fagfólk sem leggur áherslu á sífelldar umbætur og stafræna þróun. Áhersla verður á heilsu, öryggi og vellíðan og að búa skilyrði fyrir starfsfólk okkar til að þróast og eflast í starfi. Við erum með 36 stunda vinnuviku og sveigjanlegan vinnutíma. Við vinnum í opnum rýmum leggjum áherslu á gott andrúmsloft í teymisvinnu og samstarf á milli teyma. Sjá nánari upplýsingar um Umhverfisstofnun á umhverfisstofnun.is og Orkustofnun á os.is en nýr vefur Umhverfis- og orkustofnunar uos.is opnar fljótlega.

Sviðsstjóri sviðs umhverfisgæða er Lilja Ólafsdóttir og veitir hún upplýsingar um starfið ásamt Þóru Margréti Pálsdóttur Briem mannauðsstjóra í síma 591 2000.

Hvar má bjóða þér að vinna?

Umhverfis- og orkustofnun mun starfa á 6 starfsstöðvum um landið. Valið stendur um Akureyri, Mývatnssveit, Egilsstaði, Selfoss, Reykjavík og Hvanneyri.

Frekari upplýsingar um starfið

Laun eru samkvæmt gildandi kjarasamningi sem fjármála- og efnahagsráðherra og hlutaðeigandi stéttarfélag hafa gert. Gagnkvæmur reynslutími er sex mánuðir við ráðningu.

Æskilegt er að umsækjandi geti hafið störf sem fyrst. Umsóknir geta gilt í 6 mánuði frá birtingu auglýsingarinnar.

Við hvetjum áhugasama einstaklingatil að sækja um, óháð kyni og uppruna.

Auglýsing birt29. janúar 2025

Umsóknarfrestur10. febrúar 2025

Tungumálahæfni