Laus störf Hæfnileit Vinnustaðir Námskeið

Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Laust starf net- og kerfisstjóra á skrifstofu Alþingis

Skrifstofa Alþingis leitar að tæknilega öflugum og lausnamiðuðum einstaklingi með góða þekkingu og reynslu af kerfisrekstri, afbragðs öryggisvitund og ríka þjónustulund. Verkefni upplýsingatæknideildar felast meðal annars í að tryggja stöðugan rekstur, hámarksafköst og öryggi tæknilausna auk verkefnastýringar á sviði upplýsingatækni.

Hjá upplýsingatæknideild starfar samhent teymi að fjölbreyttum verkefnum þar sem engir tveir dagar eru eins. Ef þú nýtur þess að finna lausnir, miðla þekkingu og vinna í lifandi starfsumhverfi þá er upplýsingatæknideild skrifstofu Alþingis rétti vinnustaðurinn fyrir þig.

Helstu verkefni og ábyrgð

Rekstur og umsýsla netþjóna
Net- og öryggisstjórnun
Öryggisafritun og endurheimt
Rekstur og bilanagreining innviða

Menntunar- og hæfniskröfur

Menntun sem nýtist í starfi, s.s. kerfisstjórnun, tölvunar- og/eða kerfisfræði eða önnur sambærileg menntun
Marktæk reynsla af sambærilegu starfi
Marktæk reynsla af rekstri Linux-netþjóna nauðsynleg, einkum Red Hat-umhverfis
Skipulagshæfni og sjálfstæð vinnubrögð
Frumkvæði og umbótahugarfar
Mjög góð samskiptafærni og reynsla af teymisvinnu
Góð færni í íslensku og ensku, bæði skrifuðu og töluðu máli

Laun samkvæmt gildandi kjarasamningi sem forseti Alþingis og Félag starfsfólks Alþingis hafa gert.

Umsækjendur eru beðnir um að sækja um starfið í ráðningarkerfi Orra. Umsókn skal fylgja ferilskrá og kynningarbréf þar sem gerð er grein fyrir hæfni til að gegna starfinu. Einnig skal leggja fram staðfestingu á prófgráðum og upplýsingum um umsagnaraðila. Starfið hentar öllum kynjum og áhugasöm eru hvött til að sækja um.

Umsóknir gilda í sex mánuði frá því að umsóknarfrestur rennur út og öllum umsóknum verður svarað þegar ákvörðun um ráðningu liggur fyrir. Gildi skrifstofunnar eru fagmennska, virðing og framsækni. Nánari upplýsingar um starfsemi Alþingis og skrifstofu þingsins er að finna á vef Alþingis.

Umsóknarfrestur er til og með 2. nóvember 2026.

Nánari upplýsingar veitir:

Þorbjörg Árnadóttir, deildarstjóri upplýsingatæknideildar, [email protected], 563 0500

Auglýsing birt27. október 2026

Umsóknarfrestur2. nóvember 2026

Tungumálahæfni