Laus störf Hæfnileit Vinnustaðir Námskeið

Wise lausnir ehf.

Wise er alhliða upplýsingatæknifyrirtæki sem sérhæfir sig í þróun, ráðgjöf og innleiðingu á breiðu úrvali viðskipta- og rekstrarlausna sem hjálpa fyrirtækjum að skara fram úr, mæta áskorunum og grípa ný tækifæri. Lausnaframboð okkar samanstendur af hýsingar- og rekstrarþjónustu, öryggislausnum og heildstæðum viðskiptalausnum fyrir fyrirtæki, stofnanir og sveitarfélög. Hjá Wise starfa tæplega 200 sérfræðingar í Reykjavík, á Akureyri og í Litháen. Við erum fjölbreyttur hópur fólks sem eigum það sameiginlegt að brenna fyrir upplýsingatækni, nýsköpun og árangri viðskiptavina. Wise er fjölskylduvænn, lifandi og skemmtilegur vinnustaður. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og heilsustyrk til starfsmanna. Fyrirtækið býður upp á samkeppnishæf laun og hlaut jafnlaunavottun 2021 og viðurkenningu FKA Jafnvægisvogarinnar 2022.

Vinnustaðurinn

Kerfisstjóri í notenda- og útstöðvaþjónustu

Við hjá Wise leitum að öflugum og þjónustulunduðum kerfisstjóra í notenda- og útstöðvaþjónustu.

Starfið snýst um að veita viðskiptavinum Wise daglega upplýsingatækniþjónustu, aðstoða notendur og leysa fjölbreytt tæknileg vandamál. Við bjóðum upp á góða þjálfun og leitum að einstaklingi sem hefur góðan tæknilegan grunn, er lausnamiðaður, hefur áhuga á að læra og þróast í starfi.

Starfið hentar vel einstaklingi sem hefur áhuga á upplýsingatækni, kann að meta fjölbreytt verkefni og vill vinna í lifandi umhverfi þar sem samskipti við fólk og úrlausn vandamála eru stór hluti starfsins.

Helstu verkefni og ábyrgð

Móttaka, úrvinnsla og eftirfylgni þjónustubeiðna frá viðskiptavinum Wise
Tæknileg aðstoð og þjónusta við notendur
Bilanagreining og úrlausn vandamála í hugbúnaði og vélbúnaði
Uppsetning, þjónusta og viðhald á tölvum, útstöðvum og tengdum búnaði
Aðstoð við notendur í Windows og Microsoft 365
Fjaraðstoð og úrlausn tæknilegra vandamála hjá viðskiptavinum
Samstarf við aðra sérfræðinga innan Wise við úrlausn flóknari mála

Menntunar- og hæfniskröfur

Menntun frá NTV eða sambærileg tæknimenntun
Góður almennur skilningur á tölvum, netkerfum og upplýsingatækni
Þekking á Windows og Microsoft 365
Reynsla af notendaþjónustu er kostur
Góð íslensku- og enskukunnátta
Góð samskiptafærni og þjónustulund
Sjálfstæð og skipulögð vinnubrögð

Við leitum að einstaklingi sem

Er forvitin/n og hefur áhuga á að læra nýja hluti. Við leggjum áherslu á að þú hafir áhuga á að skilja hvernig hlutirnir virka, takir frumkvæði og getir unnið þig að lausn þegar eitthvað kemur upp.

Þú þarft að vera úrræðagóð/ur, geta tekið ábyrgð á verkefnum og eiga auðvelt með samskipti við ólíkt fólk. Þar sem stór hluti starfsins felur í sér beina þjónustu við viðskiptavini skiptir okkur miklu máli að þú sért jákvæð/ur, fagleg/ur og leggir þig fram við að finna góða lausn.

Við leggjum mikla áherslu á gott viðhorf, tæknilegan skilning og vilja til að þróa þekkingu sína. Hjá Wise starfar öflugur hópur sérfræðinga sem leggur áherslu á samstarf, þekkingarmiðlun og að hjálpast að við að leysa verkefni.

Ef þú hefur áhuga á upplýsingatækni, finnst gaman að leysa vandamál og vilt starf þar sem engir tveir dagar eru alveg eins, þá gæti þetta verið starfið fyrir þig.

Umsóknarfrestur er til og með 13.Nóvember 2026. Frekari upplýsingar veitir Franz Viktor Kjartansson, forstöðumaður ([email protected])

Auglýsing birt26. október 2026

UmsóknarfresturEnginn

Tungumálahæfni