Laus störf Hæfnileit Vinnustaðir Námskeið

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Vinnustaðurinn

Deildarstjóri stafrænnar verðmætasköpunar

Viltu leiða stafræna verðmætasköpun Orku náttúrunnar?

Við leitum að árangursdrifnum leiðtoga til þess að leiða stafræna verðmætasköpun með það að markmiði að bæta rekstrartengdar ákvarðanir, auka skilvirkni og grípa tækifæri til að skapa aukin verðmæti.

Hlutverkið snýr að því að efla okkur enn frekar á sviði viðskiptagreindar, styrkja gagnagreiningar, finna leiðir til að nýta gervigreind og sjálfvirknivæðingu til að styðja við rekstur og nýta stafræna tækni þar sem hún skilar virði.

Við leitum að reynslumiklum leiðtoga sem býr yfir þekkingu af stafrænni verðmætasköpun og skilningi á því hvernig hægt er að umbreyta hugmyndum yfir í stafrænar afurðir sem skila mælanlegum árangri.

Deild Stafrænnar verðmætasköpunar starfar í náinni samvinnu við stjórnendur og starfsfólk þvert á ON á grunni öflugs samstarfs við svið Hugvits og tækni hjá Orkuveitunni.

Hvað felst í starfinu?

Í hlutverki deildarstjóra leiðir þú öflugt teymi sérfræðinga í fjölbreyttum verkefnum, s.s. á sviði gagnamála, viðskiptagreindar, gagnagreininga, gervigreindar, gagnainnviða og stafrænna lausna.

Þú munt byggja upp markvissa nálgun við að greina stafræn tækifæri, meta mögulegt virði þeirra og forgangsraða verkefnum þannig að tími, fjármagn og sérfræðiþekking nýtist þar sem áhrifin geta orðið mest.

Þú færð jafnframt mikilvægt hlutverk í að efla gagnadrifna starfsemi þvert á fyrirtækið.

Helstu verkefni og ábyrgð

Leiða öflugt teymi sérfræðinga Stafrænnar verðmætasköpunar þar sem fagmennska, frumkvæði, ábyrgð og samstarf eru undirstaða árangurs
Móta sýn og forgangsröðun ON í stafrænni verðmætasköpun í takt við stefnu og rekstrarmarkmið félagsins
Vinna þvert á ON að því að greina vandamál og tækifæri þar sem gögn og tækni geta skapað mælanlegt virði og samkeppnisforskot
Leiða þróun gagnastjórnunar og stuðla að skýru eignarhaldi og markvissri nýtingu gagna
Efla notkun viðskiptagreindar og gagnagreininga til að bæta yfirsýn, ákvarðanatöku og árangur
Byggja upp og viðhalda þéttu samstarfi við Hugvit & tækni og tryggja að sameiginleg sérfræðiþekking og tæknileg geta nýtist ON sem best
Tryggja yfirsýn og markvissa stjórnun verkefnasafns, þar sem verkefnum er forgangsraðað m.t.t. væntra áhrifa, kostnaðar og áhættu
Vera brúarsmiður milli viðskipta og tækni, móta, greina og forgangsraða stafrænum þörfum ON

Menntunar- og hæfniskröfur

Við leitum að manneskju sem býr yfir:

Reynslu af stafrænni umbreytingu í fyrirtæki eða flóknu rekstrarumhverfi
Fagþekkingu og góðum skilningi á samspili rekstrar, viðskipta, gagna og tækni, þ.á,m. upplýsingakerfa, samþættinga og stafrænna lausna
Reynslu af því innleiða breytingar sem snúa að því að nýta viðskiptagreind, gagnagreiningar og gagnadrifnar ákvarðanir
Góðri þekkingu á möguleikum og takmörkunum gervigreindar, sjálfvirknivæðingar og nýrrar stafrænnar tækni
Skilningi á ferli stafrænnar þróunar frá viðskiptaþörf og kröfugreiningu yfir í þróun, prófanir, innleiðingu og rekstur
Skilningi á upplýsingaöryggi, persónuvernd og rekstrarhæfi stafrænna lausna
Getu til að eiga faglegt samtal við hugbúnaðar-, gagna-, öryggis- og rekstrarsérfræðinga
Sterkri leiðtogahæfni og reynslu af því að styðja við vöxt öflugra sérfræðinga
Framúrskarandi samskipta- og samstarfshæfni, hugrekki, heiðarleika, frumkvæði og framsýni
Háskólamenntun sem nýtist í starfi

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega!

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.
Umsóknarfrestur er til og með 8. nóvember 2026.

Nánari upplýsingar veitir Tinna Jóhannsdóttir, forstöðumaður Samskipta og vaxtar, [email protected].

Farið er með allar umsóknir sem trúnaðarmál og verður listi yfir umsækjendur ekki birtur.

Um Orku náttúrunnar
Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt27. október 2026

Umsóknarfrestur8. nóvember 2026

Tungumálahæfni