Hugbúnaðarsérfræðingur í þróunarteymi

Hjá Póstinum starfar lausnamiðað starfsfólk sem tekur fagnandi á móti síbreytilegum áskorunum hvað varðar öflugar dreifingarlausnir sem standast kröfur viðskiptavina. Hjá okkur er lögð áhersla á að móta sjálfbæra leiðtogamenningu þar sem liðsheild, þjálfun og góður starfsandi er í forgrunni.

Við leitum nú að hugbúnaðarsérfræðingi í þróunarteymið okkar. Við erum stödd í miðju breytingarferli við að nútímavæða kerfi fyrirtækisins þar sem áherslan er á framúrskarandi þjónustu við viðskiptavini.

Hugbúnaðarsérfræðingur mun starfa í þróun á framenda og uppsetningu á þeim, þar sem öll nýþróun er í nextJs en einnig þarf að viðhalda gömlum kerfum í React. Möguleiki á að taka þátt í þróun á bakenda kerfi sem skrifað er í .net.