Hjúkrunarfræðingur í krabbameinsþjónustu

Hefur þig alltaf dreymt um að sérhæfa þig í starfi og finna að störf þín skipti verulegu máli?

Krabbameinsþjónusta Landspítala leitar að hjúkrunarfræðingum í spennandi og fjölbreytt störf.

Við bjóðum upp á fjölbreytt verkefni, öflug teymi og einstaklingsmiðaða aðlögun þar sem þú færð stuðning reyndra hjúkrunarfræðinga. Hvort sem þú ert nýútskrifuð/-aður eða með reynslu þá gefst þér tækifæri til að vaxa í starfi og taka þátt í þróun framtíðarþjónustu fyrir sívaxandi hóp sjúklinga.

Af hverju að velja krabbameinsþjónustuna?

• Fjölbreytt og krefjandi verkefni í sérhæfðu umhverfi

• Markviss aðlögun og handleiðsla við upphaf starfs

• Regluleg fræðsla og tækifæri til starfsþróunar

• Öflug teymisvinna með fjölbreyttum fagstéttum

• Mikil samheldni og öflugt félagslíf

• Þátttaka í þróunar- og umbótaverkefnum

• 36 stunda vinnuvika í fullri dagvinnu

Um starfið

Um er að ræða dagvinnustarf í 80-100% starfshlutfalli með breytilegum vinnutíma við hjúkrun og þjónustu sjúklinga í krabbameinsmeðferð. Einnig er möguleiki á blönduðu starfi eftirtöldum deildum innan krabbameinsþjónustunnar:

• Dag- og göngudeild 11BC

• Geislameðferðardeild 10K

• Legudeild blóð- og krabbameinslækninga 11EG (vaktavinna)

Fram undan er mikil uppbygging og þróun þjónustunnar. Á næstu árum mun þörf fyrir krabbameinsþjónustu aukast og hjúkrunarfræðingar gegna lykilhlutverki í að móta nýjar lausnir og bæta þjónustu við þennan mikilvæga sjúklingahóp.

Við bjóðum

Starf í krabbameinsþjónustunni með öflugum og samhentum hópi starfsfólks sem styður hvert annað og leggur metnað sinn í fagmennsku, umhyggju og góðan starfsanda

Tækifæri til að þróa sérþekkingu, taka þátt í nýsköpun og verða hluti af vinnustað þar sem rödd starfsfólks skiptir máli.

Upphaf starf er 1. nóvember 2026 eða skv. samkomulagi. Næsti yfirmaður er deildarstjóri dag- og göngudeildar blóð- og krabbameinslækninga. Áhugasamir eru hvattir til að hafa samband við Þórunni, deildarstjóra eða Halldóru, forstöðuhjúkrunarfræðing krabbameinsþjónustu.

Við búum yfir öflugum og skemmtilegum hópi starfsfólks. Öflugt félagslíf er innan krabbameinsþjónustunnar og leggjum við mikla áherslu á samheldni og góðan starfsanda.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.