Hjúkrunarfræðingar óskast til starfa hjá Heilsuvernd.

Heilsuvernd er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Heilsuvernd er einkarekið og ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, almennri heilsugæsluþjónustu og heilbrigðisþjónustu fyrir hjúkrunarheimili. Markmið Heilsuverndar er að hafa jákvæð áhrif á lífsgæði fólks og efla heilbrigði og vellíðan.

Heilsuvernd óskar eftir að ráða hjúkrunarfræðinga í sitt öfluga teymi tengt heilsu- og vinnuverndarþjónustu. Við leitum að einstaklingum sem hafa jákvæðni og góð samskipti að leiðarljósi, eru sjálfstæðir í vinnubrögðum en vilja um leið vera hluti af sterku teymi.

Um er að ræða stöðugildi þar sem starfshlutfall getur verið á bilinu 50-95% þar sem unnið er á dagvinnutíma og er starfsaðstaða annað hvort í Urðarhvarfi í Kópavogi eða á Akureyri.

Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi og faglega þjónustu.