Hjúkrunardeildarstjóri lyflækningadeildar HVE Akranesi

Deildarstjóri er leiðandi í ákvarðanatöku um skipulag hjúkrunar og verklag á deildinni sem og innleiðingu nýjunga í hjúkrun er stuðla að auknum gæðum hjúkrunar, gagnreyndum starfsháttum og öryggi sjúklinga.

Deildarstjórinn er virkur þátttakandi í stjórnendateymi sviðs í verkefnum tengdum stjórnun, rekstri, gæðum, þjónustu og mannauði. Starfið felur í sér mikla teymisvinnu þar sem unnið er í góðu samstarfi við annað fagfólk HVE.

Deildarstjóri starfar samkvæmt lögum um heilbrigðisþjónustu nr. 40/2007, lögum um heilbrigðisstarfsmenn nr. 34/2012, lögum um réttindi sjúklinga nr. 74/1997 og lögum um réttindi og skyldur starfsmanna ríkisins nr. 70/1996. 

Við leitum eftir kraftmiklum og framfarasinnuðum leiðtoga til að leiða áfram starfsemi deildarinnar. Deildarstjóri þarf að búa yfir faglegri hæfni, reynslu og þekkingu á sviði bráðahjúkrunar og ber ábyrgð á að gæði hjúkrunarþjónustu deildarinnar sé tryggð. Deildarstjóri ber ábyrgð á fjárhagslegum rekstri deildarinnar og er æskilegt að deildarstjóri hafi þekkingu og áhuga á stjórnun, rekstri og teymisvinnu. Starfið er ábyrgðarmikið og krefjandi og reynir á frumkvæði, stefnumótandi hugsun og krefst góðrar samskiptihæfni og áhuga á að leiða breytingar og eflingu liðsheildar. 

• Gerð er krafa um íslenskt hjúkrunarleyfi. 
• Reynsla og framhaldsmenntun á sviði hjúkrunar með almenn lyflæknisfræðileg vandamál er æskileg.
• Framhaldsmenntun og reynsla í stjórnun er kostur.
• Æskilegt er að viðkomandi hafi þekkingu á vinnustund ásamt reynslu af vaktaskýrslugerð.
• Góð íslenskukunnátta sem og tölvukunnátta er skilyrði.