Hlutverk Sóltúns er að auka velsæld með fjölbreyttri heilbrigðisþjónustu í fremstu röð þar sem áhersla er á aukin lífsgæði og stuðning í daglegu lífi eldra fólks. Við viljum skapa hlýlegt og nærandi samfélag þar sem þjónustuþegar og starfsfólk upplifir öryggi og vellíðan. Við leggjum áherslu á framúrskarandi umönnun, persónulega og faglega þjónustu, fjölbreyttar lausnir, jákvæða forystu, gróskuhugarfar og framþróun. Við rekum hjúkrunarheimilin Sóltún Reykjavík og Sóltún Sólvangi í Hafnarfirði. Á Sólvangi er einnig Sóltún Heilsusetur sem býður eldra fólki upp á metnaðarfulla endurhæfingu í 4-6 vikna dvöl sem og dagþjálfun og dagdvöl. Sóltún Heima býður upp á fjölbreytta heimaþjónustu fyrir þau sem á þurfa að halda, m.a. heimastuðning, heimahjúkrun og heimahreyfingu.