Gagnasérfræðingur

Húsnæðis- og mannvirkjastofnun (HMS) leitar að drífandi einstaklingi til þess að ganga til liðs við öflugt upplýsingatæknisvið HMS.

Fjölbreytt og spennandi verkefni eru fram undan við nýþróun og endurnýjun upplýsingatæknilausna sem skipta sköpum fyrir íslenskt samfélag. Gögn spila þar lykilhlutverk. Verkefnin eru hluti af nýrri framtíðarsýn stofnunarinnar.

Helstu verkefni og ábyrgð:

• Hönnun, smíði og viðhald á vöruhúsi gagna og öðrum gagnainnviðum (s.s. mælaborða)
• Greining gagna með aðgengilegum og skilvirkum hætti
• Samskipti við gagna- og vörueigendur, hugbúnaðarteymi, birgja og fleiri hagaðila
• Stuðla að hagnýtingu gagna HMS
• Þátttaka í mótun ferla og umbóta

Menntunar- og hæfniskröfur:

• Menntun og/eða starfsreynsla sem nýtist í starfi s.s. á sviði tölvunarfræði, verkfræði eða tengdum greinum
• Þekking og skilningur á gögnum, skipulagi þeirra og högun gagnagrunna
• SQL þekking skilyrði
• Reynsla af greiningu gagna, uppbyggingu og viðhaldi vöruhúsa er kostur
• Reynsla og/eða þekking á Azure (Data Factory, Data Lake), PowerBI æskileg
• Áhugi og jafnvel ástríða fyrir gögnum og hagnýtingu þeirra
• Frumkvæði og umbótasinnuð hugsun
• Sjálfstæð vinnubrögð, metnaður og skipulagshæfni
• Þjónustulund, góð samskiptahæfni og geta og vilji til að hlusta á þarfir notenda
• Gott vald á íslensku og ensku í ræðu og riti

Um Húsnæðis- og mannvirkjastofnun (HMS):

Húsnæðis- og mannvirkjastofnun (HMS) er sjálfstæð stofnun sem lýtur sérstakri stjórn og heyrir stjórnarfarslega undir innviðaráðherra. Stofnunin starfar að verkefnum á sviði húsnæðismála, mannvirkjamála, rafmagnsöryggismála og brunavarna, fer með samhæfingarhlutverk opinberrar markaðsgæslu, og rekur fasteignaskrá ásamt því að sinna verkefnum því tengdu. Hjá HMS er lögð áhersla á framúrskarandi þjónustu, nýsköpun, miðlun upplýsinga og stafræna þróun

Umsóknarfrestur er til og með 28. október 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá því að umsóknarfrestur rennur út. Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin. Um er að ræða fullt starf og eru laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Nánari upplýsingar veita Birna Dís Bergsdóttir ([email protected]), Torfi Markússon ([email protected]) ráðgjafar Intellecta í síma 511 1225, Guðrún Alma Einarsdóttir, mannauðsstjóri, ([email protected]) og Perla Lund, framkvæmdastjóri, ([email protected]).