Landsnet hf.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar.Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Vinnustaðurinn

Fulltrúi í upplýsingastjórnun

Hefur þú áhuga á gögnum, fólki og flutningskerfinu ?

Við leitum að samstarfsfélaga til að taka þátt í innleiðingu nýs upplýsinga- og skjalakerfis og móta með okkur hvernig við nýtum gögn til framtíðar. Um ræðir tímabundið starf til 1. september 2026.

Hjá okkur færð þú tækifæri til að leggja þitt af mörkum til rafvæddrar framtíðar og taka þátt í því að efla upplýsingastjórnun sem styður við orkuskipti og sjálfbæran rekstur. Þú verður hluti af öflugu teymi sem sinnir upplýsingum og gagnamálum hjá Landsneti og tekur virkan þátt í innleiðingu nýs kerfis. Þar munt þú styðja starfsfólk við að tileinka sér ný vinnubrögð, flokka og meðhöndla gögn á réttan hátt – með áherslu á aðgengi, öryggi og réttleika upplýsinga.

Þetta er einstakt tækifæri fyrir nýútskrifaða eða nema á lokaári í viðskiptafræði, verkfræði, tölvunarfræði eða upplýsingastjórnun – eða aðra sem brenna fyrir gögnum, fólki og framtíð flutningskerfis raforku á Íslandi.

Helstu verkefni og ábyrgð

Þátttaka í innleiðingu og þróun tæknilausna sem styðja upplýsingastjórnun.
Aðstoða og leiðbeina notendum við meðhöndlun upplýsinga og skjala.
Vinna með upplýsingastjóra að verkefnum eins og rafrænum skilum til Þjóðskjalasafns, gagnaflutningum o.fl.
Endurskoða og útbúa verklag og leiðbeiningar vegna upplýsingakerfis.
Taka þátt í þróun á nýtingu framtíðartækni, m.a. gervigreindar, við gerð kennslu- og fræðsluefnis í samstarfi við sérfræðinga innan og utan Landsnets.

Menntunar- og hæfniskröfur

Menntun eða reynslu sem nýtist í starfi.
Þekkingu á gagnavinnslu, gagnaflutningum og framsetningu gagna.
Hæfni í textaskrifum og skýrslugerð er kostur.
Reynslu af WorkPoint eða SharePoint er mikill kostur.
Skipulögð, sjálfstæð og lausnamiðuð vinnubrögð.
Hæfni og þor til að taka ákvarðanir og tjá sig faglega.

Fríðindi í starfi

Þverfaglegt og skapandi starfsumhverfi sem leggur áherslu á nýsköpun og umbætur.
Samstarf við fjölbreyttan hóp sérfræðinga sem vinna að framtíð raforkukerfisins.
Skemmtilegt vinnuumhverfi með frábæru mötuneyti, líkamsræktaraðstöðu og fleiru.
Stuðning við faglega og persónulega þróun.
Starf og vinnustað sem skiptir máli fyrir samfélagið!

Umsóknarfrestur er til og með 02. nóvember 2025.

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar að bætast í hópinn.

Sótt er um starfið á landsnet.is. Nánari upplýsingar veitir Jason Már Bergsteinsson, mannauðssérfræðingur, á [email protected]. Öllum umsóknum verður svarað og farið með þær sem trúnaðarmál.

Landsnet er þjónustufyrirtæki í eigu þjóðarinnar og kjarninn í framtíðarsýn okkar er rafvædd framtíð í takt við samfélagið. Við höfum veigamiklu hlutverki að gegna að viðhalda og reka eina af helstu grunnstoðum nútímasamfélags sem felst í flutningskerfi raforku.

Auglýsing birt21. október 2025

Umsóknarfrestur2. nóvember 2025

Tungumálahæfni