Laus störf Hæfnileit Vinnustaðir Námskeið

Húsasmiðjan

Húsasmiðjan er meðal stærstu verslunarfyrirtækja landsins og hluti af Bygma Gruppen A/S. Bygma rekur fjölmargar byggingavöruverslanir í Danmörku, Svíþjóð, Færeyjum og á Grænlandi. Ásamt því rekur fyrirtækið nokkur heildsölufyrirtæki á byggingavörumarkaði í Danmörku. Húsasmiðjuverslanir eru 16 talsins og eru Blómavalsútibú í sjö þeirra. Jafnframt er rafiðnaðarverslunin Ískraft með fjögur útibú. Hjá Húsasmiðjunni starfa um 500 starfsmenn vítt og breytt um landið sem hafa margskonar bakgrunn eins og pípari, blómaskreytir, bókari, smiður, viðskiptafræði, grafískur hönnuður, múrari og fleira og fleira. Húsasmiðjan býður upp á lifandi starfsumhverfi og frábæran starfsanda. Við leggjum mikla áherslu á símenntun og fræðslu og að starfsmenn fái tækifæri til þess að eflast og þróast í starfi.

Vinnustaðurinn

Framkvæmdastjóri fjármála hjá Húsasmiðjunni

Við leitum að reynslumiklum, faglegum og árangursdrifnum framkvæmdastjóra fjármála Húsasmiðjunnar. Um er að ræða krefjandi og fjölbreytt starf í framkvæmdastjórn eins stærsta og þekktasta smásölufyrirtækis landsins. Viðkomandi mun gegna lykilhlutverki í áframhaldandi mótun, rekstri og vexti félagsins í hröðu og samkeppnisdrifnu umhverfi. Ennfremur ber þessi aðili ábyrgð á upplýsingatæknisviði fyrirtækisins.

Framkvæmdastjóri fjármála heyrir beint undir forstjóra, situr í framkvæmdastjórn og kemur að stefnumótun og öðrum ákvörðunum sem varða rekstur Húsasmiðjunnar.

Helstu verkefni og ábyrgð

Heildarumsjón með fjármálum; fjárhagsáætlanir, greiningar, kostnaðareftirlit, sjóðstreymi og fjárfestingarákvarðanir
Tryggja áreiðanlegt og skilvirkt fjármálakerfi og innra verklag (reglur, umbætur, áhættustýring)
Leiða árlegt uppgjör og skýrslugerð til stjórnenda og eigenda, samskipti við endurskoðendur og bankastofnanir
Yfirumsjón með upplýsingatæknisviði; stefnumótun, innleiðing kerfa, gagnaöryggi og stafrænum lausnum sem styðja við verslun og rekstur
Stuðla að sjálfbærni og hagkvæmni í rekstri með gagnadrifnum ákvörðunum

Menntunar- og hæfniskröfur

Haldbær og fjölþætt reynsla af fjármálastjórnun
Sterkir leiðtogahæfileikar, greiningar- og samstarfshæfni
Mikil þekking á fjárhags- og greiningartólum, gagnaöryggi og stafrænum umbreytingum
Sterk leiðtogahæfni, samskiptahæfni, færni í stefnumótun, innleiðingu stefnu og breytingastjórnun
Mjög gott vald á íslensku og ensku, í töluðu og rituðu máli
Háskólapróf sem nýtist í starfi

Fríðindi í starfi

Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla.
Aðgangur að orlofshúsum.
Ýmsir styrkir, s.s. íþróttastyrkur, samgöngustyrkur og fræðslustyrkur.
Afsláttarkjör í verslunum okkar.

Gildin okkar eru Gleði- Fagmennska- Kraftur. Við hvetjum öll áhugasöm til þess að sækja um, óháð kyni.

Við bjóðum upp á góða vinnuaðstöðu, vinnuumhverfið er snyrtilegt og við bjóðum góð kjör fyrir réttan aðila. Við leggjum ríka áherslu á liðsheild og góð samskipti og í Húsasmiðjunni ríkir skemmtilegur og líflegur starfsandi. Starfsmannafélag Húsasmiðjunnar er mjög öflugt og stendur fyrir fjölbreyttum og skemmtilegum uppákomum yfir árið.

Nánar um vinnustaðinn https://www.husa.is/

Frekari upplýsingar veita

Sverrir Briem – [email protected]
Hlynur Atli Magnússon – [email protected]

Auglýsing birt7. maí 2026

Umsóknarfrestur24. maí 2026

Tungumálahæfni