RVK Bruggfélag / RVK Brewing Co

Vandað ehf. er framsækið og metnaðarfullt fyrirtæki sem framleiðir hágæða drykki undir vörumerkjunum RVK Bruggfélag / RVK Brewing Co. og skör artisan. Einnig rekur félagið bruggstofu undir merkjum RVK Bruggfélags í Tónabíó. Reykjavík Bruggfélag (RVK Brewing Co.) handverksbrugghús varð til af hreinni og einfaldri ástríðu fyrir góðum bjór. Eftir að hafa starfað í mörg ár í fjármálageiranum í New York komst stofnandi okkar að sinni sönnu ástríðu; góður bjór. Og breiða út boðskapinn um góðan bjór á Íslandi. Í því skyni var RVK Bruggfélag stofnað árið 2017. Fyrstu bjórarnir komu á markað 2018 og höfum við síðan gert yfir 100 mismunandi bjóra í endalausri vegferð okkar að gæða handverksbjór. Sagan af handverksbjór á Íslandi er frekar stutt. Sagan okkar er enn styttri, þó við höfum náð að áorka miklu á þessum stutta tíma. Við lögðum upp með að skrifa nokkra af næstu köflum í bjórsögu Íslands. Hráefnin eru öll hér. Ástríðan er öll hér.

Vinnustaðurinn

Framkvæmdastjóri

RVK Bruggfélag / RVK Brewing Co leitar að drífandi og metnaðarfullum framkvæmdastjóra. Framkvæmdastjóri mun hafa umsjón með daglegum rekstri, markaðsmálum og sölu, móta stefnu í samstarfi við eigendur og taka þátt í þróun á nýjum vörulínum sem koma á markað á næstu misserum.

Framundan eru spennandi tímar hjá fyrirtækinu og er hér á ferðinni frábært tækifæri fyrir réttan aðila til að móta stefnu, sækja fram og styrkja markaðsstöðu fyrirtækisins og vörumerkja þess.

Helstu verkefni og ábyrgð

Daglegur rekstur, skipulag og framkvæmd rekstraráætlana.
Ábyrgð á markaðsmálum og sölu.
Stefnumótun og þróun viðskiptatækifæra.
Samskipti og eftirfylgni við birgja og samstarfsaðila.

Menntunar- og hæfniskröfur

Háskólamenntun sem nýtist í starfi.
Árangursrík reynslu af rekstri, sölu- og markaðsmálum.
Reynsla af dagvöru-, gosdrykkja- og/eða áfengismarkaði er kostur.
Framúrskarandi samskipta- og leiðtogahæfni.
Framsýni, drifkraftur og stefnumótandi hugsun.
Mjög góð íslensku- og enskukunnátta, bæði í ræðu og riti.

Vandað ehf. er framsækið og metnaðarfullt fyrirtæki sem framleiðir hágæða drykki undir vörumerkjunum RVK Bruggfélag / RVK Brewing Co. og skör artisan. Einnig rekur félagið bruggstofu undir merkjum RVK Bruggfélags í Tónabíó.

Sótt er um starfið gegnum heimasíðu Vinnvinn.

Umsókn um starfið skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Hilmar Garðar Hjaltason ([email protected]) og Margrét Stefánsdóttir ([email protected]) hjá Vinnvinn.