Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Forstöðumaður Executive MBA náms

Viðskipta- og hagfræðideild Háskólans í Reykjavík leitar að öflugum einstaklingi í stöðu forstöðumanns Executive Master of Business Administration (Executive MBA) náms við deildina auk kennslu eða annara verkefna við deildina. Starfið veitir tækifæri til að hafa veruleg áhrif á þróun náms við framsækna viðskipta-og hagfræðideild þar sem áhersla er lögð á nýsköpun, frumkvöðlastarf, sjálfbærni og alþjóðlegt samstarf.

Executive MBA námið er hagnýtt stjórnendanám sem er ætlað stjórnendum sem vilja efla leiðtogahæfni sína, verða ábyrgir stjórnendur og auka persónulega færni í starfi. Námið eflir tengslanet við íslenskan vinnumarkað og veitir núverandi og komandi stjórnendum verkfæri til að skara framúr.

Helstu verkefni og ábyrgð

Forstöðumaður Executive MBA námsins sinnir stjórnun og rekstri Executive MBA náms við Viðskipta- og hagfræðideild og sinnir sérstaklega:

· markaðs-, sölu- og kynningarmálum

· samskiptum við nemendur og kennara

· ráðning kennara

· tryggja gæði kennslu og námsins í heild

· þróun námsins

· samskipti við erlenda samstarfsaðila og vottunaraðila

· ábyrgð á skipulagningu funda og viðburða

· samninga og áætlunargerð

· umsjón með fjármálum og fjárhagsáætlunargerð

Að auki felur starfið í sér aðkomu að tilfallandi verkefnum, t.d. kennslu við deildina og ekki síst þróunarverkefnum fyrir deildina og háskólann í heild.
Starfið er unnið í nánu samstarfi við deildarforseta og námsráð Executive MBA náms.

Menntunar- og hæfniskröfur

Prófgráður á meistarastigi, t.d. MBA, eða doktorspróf á sviði viðskiptafræði, hagfræði eða skyldra greina
Reynsla á sviði stjórnunar og stefnumótunnar, rekstri, áætlunargerð og færni á sviði fjámála
Leiðtogahæfni og framúrskarandi samskiptafærni.
Tengls við íslenskt atvinnulíf er kostur
Þekking og áhugi á að veita framúrskarandi þjónustu
Mjög góð enskukunnátta, íslenska er kostur
Góð skipulagshæfni, frumkvæði og sjálfstæði í starfi
Reynsla af kennslu á háskólastigi er kostur
Reynsla af markaðs-, sölu- og kynningarmálum er kostur
Þekking á votturnarferli (t.d. AMBA) er kostur
Reynsla af alþjóðlegu samstarfi er kostur

Eftirfarandi gögn þurfa að fylgja umsókn:

Kynningarbréf
Starfsferilskrá
Afrit af viðeigandi prófskírteinum
Yfirlit um áhugasvið og áherslur í kennslu (e. teaching statement), ef við á
Gögn til vitnis um árangur í kennslu, ef við á
Upplýsingar um a.m.k. tvo umsagnaraðila

Umsóknarfrestur er til og með 3. nóvember 2024. Umsóknum skal skilað á vef Háskólans í Reykjavík. Æskilegt er ef viðkomandi getur hafið störf sem fyrst.

Nánari upplýsingar veita Dr. Stefan Wendt, deildarforseti viðskipta- og hagfræðideildar (stefanwendt@ru.is) og Ester Gústavsdóttir, mannauðsstjóri HR (esterg@ru.is). Fyrirspurnir og umsóknir verða meðhöndlaðar sem trúnaðarmál.

HR Í HNOTSKURN

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 250 talsins, auk 350 stundakennara.

Auglýsing birt18. október 2024

Umsóknarfrestur3. nóvember 2024

Staðsetning

Menntavegur 1, 101 Reykjavík

Starfstegund

Starfsgreinar

Starfsmerkingar

Sambærileg störf (12)