Lætur þú verkin tala?

Bændasamtök Íslands leita að öflugum einstaklingi til að leiða spennandi nýsköpunarverkefni á sviði sjálfbærni og hringrásarhagkerfis, Terraforming Life. Önnur sérfræðiverkefni í starfsemi samtakanna falla einnig undir starfið.

Um Terraforming Life verkefnið:
Terraforming Life (terraforming.is) miðar að því að þróa nýja aðferð til að framleiða áburð og lífgas úr þeim lífræna úrgangi sem fellur til við fiskeldi á landi og úr landbúnaði. Verkefnið er samstarfsverkefni First Water, Bændasamtaka Íslands, Orkideu, Ölfus Cluster og SMJ frá Færeyjum og hlaut styrk frá Umhverfis- og loftslagsáætlun Evrópusambandsins. Framtíðin í landbúnaði veltur mikið á framþróun í umhverfismálum.

Umsókn skal fylgja ferilskrá og kynningarbréf þar sem umsækjandi gerir grein fyrir ástæðu umsóknar og hæfni til að gegna starfinu.

Umsóknir berist eingöngu í gegnum alfred.is

Nánari upplýsingar veitir Margrét Ágústa Sigurðardóttir framkvæmdastjóri Bændasamtaka Íslands á margret@bondi.is