dk hugbúnaður býður upp á alhliða viðskipta- og upplýsingakerfi sem er þróað á Íslandi fyrir íslenskar aðstæður og hefur verið einn vinsælasti viðskiptahugbúnaður landsins í yfir 25 ár. Í dag eru notendur dk hugbúnaðar hérlendis um 11.000. Þeir eru úr flestum atvinnugreinum og fjölgar ört. dk býður upp á heildarlausnir í hýsingarþjónustu og yfir 31.000 fyrirtæki eru í hýsingu hjá dk hugbúnaði. Í dag er hýsingarþjónusta dk hugbúnaðar ein sú stærsta á landinu. Hjá dk starfar öflugur hópur fólks, með mikla reynslu, góða menntun og sérhæfingu. Starfsfólk dk hugbúnaðar er um 60 talsins. dk, sem er með starfsstöðvar í Reykjavík og á Akureyri, er sjálfstæð eining en hluti af samstæðu TSS (Total Specific Solutions), sem er með yfir 160 fyrirtæki í heiminum í dag í 26 löndum, sem býður upp á ýmsa möguleika í starfsþróun og þekkingaröflun. Um árabil hefur dk fengið viðurkenningar sem Framúrskarandi fyrirtæki hjá Creditinfo og sem Framúrskarandi fyrirtæki í rekstri Keldunnar og Viðskiptablaðsins ásamt því að fá viðurkenningu Jafnvægisvogarinnar síðastliðin tvö ár. Leiðarljós dk er að vera skemmtilegur og lifandi vinnustaður þar sem metnaðarfullir einstaklingar fá að njóta sín og þróast í starfi.