Aðstoðarmaður ráðgjafa viðhalds og mannvirkja

Verksýn óskar eftir að ráða öflugan og skipulagðan einstakling í stöðu aðstoðarmanns ráðgjafa í viðhalds- og endurbótaverkefnum.

Helstu verkefni og ábyrgð:

• Aðstoð við gerð ástandsgreininga
• Gerð útboðs- og verklýsinga
• Almenn aðstoð við ráðgjafa og hönnuði
• Skrifstofustörf, innkaup og ýmis viðvik
• Önnur tilfallandi verkefni

Menntunar- og hæfniskröfur:

• Menntun sem nýtist í starfi, starfið gæti einnig hentað þeim sem eru í háskólanámi
• Reynsla af störfum innan byggingageirans er kostur en ekki skilyrði
• Skipulagshæfni og nákvæm vinnubrögð
• Jákvætt viðmót og framúrskarandi samskipta- og samstarfshæfni
• Góð íslenskukunnátta er skilyrði

Um Verksýn:

Verksýn var stofnað árið 2006 og hefur síðan þá sérhæft sig í ráðgjöf vegna viðhalds og endurbóta á mannvirkjum. Fyrirtækið hefur einnig sinnt fjölbreyttum verkefnum sem snúa að eftirliti og annarri ráðgjöf í tengslum við nýframkvæmdir ásamt almennri framkvæmdaráðgjöf. Markmið Verksýnar er að mæta þörfum viðskiptavina sinna á sem besta mögulegan hátt, stuðla að auknum gæðum húsnæðis á Íslandi og safna og miðla af þekkingu á viðhaldi og endurbótum fasteigna.

Verksýn er fjölskylduvænn vinnustaður þar sem starfar þéttur hópur reynslumikilla sérfræðinga í góðu vinnuumhverfi.

Umsóknarfrestur er til og með 3. febrúar 2025. Umsókn óskast fyllt út á www.intellecta.is og skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Farið verður með allar umsóknir sem trúnaðarmál og þeim svarað að ráðningu lokinni.

Nánari upplýsingar um starfið veita Sigríður Svava Sandholt (sigridur@intellecta.is) og Lea Kristín Guðmundsdóttir (lea@intellecta.is) í síma 511-1225.