Síðuskóli: Kennari í hönnun og smíði
Í Síðuskóla á Akureyri er laust til umsóknar 100% ótímabundið starf kennara í hönnun og smíði. Ráðið verður í stöðuna frá 1. ágúst 2025. Leitað er að kennara sem hefur yfir að ráða kunnáttu til kennslu í smíðum, þekkingu til að efla skapandi listir í skólanum og sem er reiðubúinn til að efla teymi list- og verkgreinakennara skólans með faglegu samstarfi.
Leitað er að einstaklingi með mikinn metnað, sem sýnt hefur árangur í störfum sínum og leggur áherslu á vellíðan og árangur nemenda í samstarfi við aðra starfsmenn og stjórnendur skólans.
Síðuskóli starfar samkvæmt hugmyndafræði SMT-skólafærni og er Grænfánaskóli. Í skólanum er unnið með hvatningu og hrós sem er góð leið til að sýna börnum jákvæða athygli, kenna þeim æskilega hegðun og viðhalda henni.
Í Síðuskóla er sérdeild fyrir einhverfa nemendur og þjónustar hún þá nemendur sem búsettir eru á Akureyri og hlotið hafa einhverfugreiningu.
Viltu vita meira? Kíktu í rafræna heimsókn www.siduskoli.is
Kennari sinnir kennslu nemenda í samstarfi og samvinnu við aðra starfsmenn skólans og ber ábyrgð á starfi sínu gagnvart skólastjóra.
- Kennaramenntun og réttindi til kennslu í grunnskóla.
- Reynsla af kennslu í grunnskóla er æskileg, sérstaklega smíða eða handmenntarkennslu.
- Geta til að kenna skapandi listir og nýta tækni til að efla nám nemenda.
- Vald á fjölbreyttum kennsluaðferðum sem taka mið af mismunandi þörfum, áhuga og getu nemenda.
- Áhugi og metnaður fyrir að vinna að og framfylgja stefnu skólans.
- Góð þekking á kennslu- og uppeldisfræði.
- Frumkvæði og samstarfsvilji.
- Geta og vilji til að starfa í teymi með öðrum kennurum.
- Góðir skipulagshæfileikar, sveigjanleiki og hæfni í samskiptum.
- Vilji til að leita nýrra leiða í skólastarfi og áhugi á þróunarstarfi.
- Reglusemi, stundvísi og samviskusemi.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Icelandic
