Síðuskóli: Deildarstjóri
Við Síðuskóla er laust til umsóknar 100% starf deildarstjóra. Um er að ræða tímabundið starf skólaárið 2025-2026. Ráðið verður í starfið frá 1. ágúst 2025.
Deildarstjóri starfar í þriggja manna stjórnunarteymi skólans við daglega stjórnun skólans og veitir faglega forystu í öllu skólastarfinu.
Síðuskóli er staðsettur við Bugðusíðu og er fjöldi nemenda um 380. Skólinn starfar samkvæmt hugmyndafræði SMT-skólafærni, er Grænfánaskóli og Réttindaskóli UNICEF. Í skólanum er unnið með hvatningu og hrós sem er góð leið til að sýna börnum jákvæða athygli, kenna þeim æskilega hegðun og viðhalda henni.
Í Síðuskóla er sérdeild fyrir einhverfa nemendur og þjónustar hún þá nemendur sem búsettir eru á Akureyri og hlotið hafa einhverfugreiningu.
Í Síðuskóla sýnum við ábyrgð, virðingu og vináttu.
Viltu vita meira? Kíktu í rafræna heimsókn www.siduskoli.is
Leitað er að einstaklingi með mikinn metnað, sem sýnt hefur árangur í störfum sínum og sem leggur áherslu á vellíðan og árangur nemenda og starfsfólks í samstarfi við aðra stjórnendur skólans.
- Veitir faglega forystu í öllu skólastarfi og skólaþróun.
- Vinnur að mótun og framkvæmd faglegrar stefnu skólans.
- Er í öflugu samstarfi við starfsfólk, nemendur og forráðamenn.
- Fer fyrir daglegu skipulagi í skólastarfi og er næsti yfirmaður starfsfólks.
- Kennaramenntun og kennsluréttindi á grunnskólastigi er skilyrði.
- Reynsla af kennslu og stjórnun er æskileg svo og framhaldsnám í stjórnun eða menntunarfræðum.
- Vald á fjölbreyttum kennsluaðferðum sem taka mið af þörfum, áhuga og getu nemenda og hæfni til að miðla þekkingu sinni ásamt því að styðja kennara í starfi.
- Reynsla af þróunarstarfi og faglegri forystu.
- Reynsla og þekking af teymisvinnu og uppeldisstefnunni SMT.
- Góð þekking á leiðsagnarnámi og hæfni til að leiða innleiðingu.
- Góð tækniþekking og hæfni til að nýta hana í skólastarfi.
- Þekking á Byrjendalæsi er kostur.
- Hæfni í mannlegum samskiptum.
- Geta til að vinna sjálfstætt og sýna frumkvæði.
- Að vera reiðubúinn til að leita nýrra leiða í skólastarfi.
- Góð íslensku- og enskukunnátta í ræðu og riti.
- Frumkvæði, víðsýni og samstarfsvilji.
- Reglusemi, samviskusemi og metnaður til að ná árangri í starfi.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Icelandic
English
