Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

About

Þjónustu- og menningarsvið: Sérfræðingur í skjalamálum

Þjónustu- og menningarsvið óskar eftir því að ráða sérfræðing til að sinna fjölbreyttum verkefnum á sviði skjalamála.

Sérfræðingur er hluti af öflugu teymi Þjónustu og þróunar sem ber meðal annars ábyrgð á þjónustuveri bæjarins, skjalamálum, vefstjórn, stafrænni þróun og innleiðingu umbótaverkefna á sviði stjórnsýslu og notendamiðaðrar þjónustu.

Um fullt starf er að ræða með sveigjanlegum vinnutíma. Meginstarfsstöð er í Ráðhúsinu á Akureyri en möguleiki er að vinna stundum fjarri vinnustað. Starfið hefur í för með sér 36 stunda vinnuviku og frábært mötuneyti.

Ráðningin er tímabundin til eins árs með möguleika á framlengingu.

Helstu verkefni og ábyrgð

Svörun fyrirspurna og skráning upplýsinga og skjala
Leit og afgreiðsla, bæði úr skjalasafni og geymslum
Aðstoð og ráðgjöf til stjórnenda og annarra starfsmanna bæjarins varðandi skjalamál og skjalakerfi
Notendabreytingar í skjala- og fundakerfi og kennsla nýrra notenda
Innsetning efnis á heimasíðu sem snýr að bæjarstjórn, svo sem dagskrá funda, tilkynningar og upptökur
Aðstoð við skjalamál og innleiðing skjalakerfis í grunnskólum
Þátttaka í þróunarstarfi í skjalamálum og í stafvæðingu þjónustuferla, t.d. umsókna í þjónustugátt
Vinnur að undirbúningi rafrænna skila á skjölum til héraðsskjalasafns

Menntunar- og hæfniskröfur

Háskólamenntun (BA/BS)
Reynsla af flokkun, skráningu og miðlun upplýsinga er æskileg
Reynsla af innleiðingu stafrænna lausna og/eða þróun þjónustuferla er æskileg
Reynsla af notkun á skjala- eða málakerfi er kostur
Mjög góð tölvukunnátta er nauðsynleg
Mjög góð kunnátta í íslensku og ensku er nauðsynleg
Sjálfstæð, nákvæm og skipulögð vinnubrögð eru nauðsynleg
Mikil samskiptafærni og þjónustulund
Frumkvæði og skapandi hugsun
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Visku.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Jón Þór Kristjánsson forstöðumaður þjónustu og þróunar í síma 460-1022 eða í netfanginu [email protected]

Einungis er tekið á móti rafrænum umsóknum.

Umsóknarfrestur er til og með 26. mars 2025.

Advertisement published12. March 2025

Application deadline26. March 2025

Language skills