Forritari hjá Fons Juris - þróaðu Lögmennið!

Fons Juris rekur stærsta lögfræðigagnasafn á Íslandi og hjálpar lögmönnum, lögfræðingum, og laganemum að nálgast upplýsingar um gildandi rétt í landinu á skilvirkan og snjallan hátt. Við notum nýjustu tæknilausnir, þar á meðal Lögmennið, gervigreindarlausn á sviði lögfræði, sem við höfum þróað frá grunni.

Við leitum að framsæknum og útsjónarsömum forritara til að ganga til liðs við okkur. Starfið felur í sér fjölbreytt verkefni, allt frá viðhaldi og þróun á núverandi kerfum til þátttöku í mótun nýrra lausna – þar á meðal frekari þróun Lögmennisins.

Hvað bíður þín?

• Vinna í framsæknu og skapandi umhverfi með áherslu á sjálfstæði og fagmennsku.

• Öflugur stuðningur við starfsþróun og tækifæri til að dýpka þekkingu á nýjustu tækni.

• Áhrif á þróun og mótun gervigreindarlausna í lögfræðigeiranum.

Helstu verkefni:

• Vefskrap (scraping) til að sækja upplýsingar úr dómum, fræðiritum og öðrum heimildum.

• Forritun og þróun kerfa Fons Juris.

• Viðhald og þróun viðbóta og eldri kerfishluta.

• Þátttaka í áframhaldandi þróun Lögmennisins.

• Samþætting við önnur kerfi.

Hæfniskröfur:

• BS gráða í tölvunarfræði, hugbúnaðarverkfræði eða sambærileg reynsla.

• Þekking á Python (nauðsynleg).

• Reynsla eða þekking á gervigreind er einnig kostur.

• Reynsla eða þekking á vefþróun er kostur.

• Reynsla eða þekking á React, Vue eða Svelte er einnig kostur.

• Sjálfstæð og lausnamiðuð vinnubrögð.