Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

About

Háskólamenntaður starfsmaður í skóla – og skammtímaþjónustu Þórunnarstræti 99 Akureyri

Velferðarsvið Akureyrarbæjar óskar eftir að ráða starfsmann með háskólamenntun sem nýtist í starfi (BA, BS, B.Ed.) í þjónustu við fötluð börn í skóla- og skammtímaþjónustuna Brekkukot við Þórunnarstræti 99.

Um er að ræða 80% - 100% stöðu sem er ótímabundin, unnið er í vaktavinnu. Æskilegt er að viðkomandi geti hafið störf sem fyrst.

Leitað er að sjálfstæðum, ábyrgum og jákvæðum einstaklingi. Starfið krefst lipurðar í mannlegum samskiptum, frumkvæðis og skipulagðra og sjálfstæðra vinnubragða.

Velferðarsvið Akureyrarbæjar vinnur eftir hugmyndafræði um þjónandi leiðsögn (gentle teaching) og valdeflingu. Starfsfólk þarf að tileinka sér þessa hugmyndafræði og vinna eftir henni.

Helstu verkefni og ábyrgð

Að veita gestum skóla- og skammtímaþjónustu einstaklingsbundinn, félagslegan stuðning og aðstoð við athafnir daglegs lífs
Að veita faglega ráðgjöf og stuðning við börn og starfsfólk
Þátttaka í faglegri uppbyggingu og skipulagningu á einstaklingsmiðaðri þjónustu í samstarfi við forstöðumann og aðra fagaðila
Samskipti við ýmsa þjónustuaðila og aðstandendur
Þátttaka í gerð þjónustuáætlana og dagsskipulags
Að vinna náið með forstöðumanni, deildarstjóra og öðrum fagaðilum og vera leiðbeinandi við starfsfólk um fagleg vinnubrögð á starfsvettvangi
Þátttaka í mótun starfseminnar
Tryggja mönnun vaktar skv. fyrirliggjandi þörfum
Þátttaka í öllum almennum heimilisstörfum
Að taka þátt í sí- og endurmenntun
Önnur verkefni sem starfsmanni eru falin af yfirmanni

Menntunar- og hæfniskröfur

Krafist er háskólamenntunar (BA, BS, B.Ed.) sem nýtist í starfi
Gott vald á mannlegum samskiptum og áhugi á að starfa með fólki
Reynsla af starfi við persónulega aðstoð og starfi með börnum er kostur og þarf að koma fram í umsókn
Æskilegt að viðkomandi hafi unnið með fötluðu fólki og sýnt lipurð og þekkingu í fyrri störfum
Reynsla af teymisvinnu er kostur
Sveigjanleiki, samviskusemi og jákvætt viðhorf til fólks og vinnu sinnar
Sjálfstæði í störfum og frumkvæði
Hafa áhuga á að leggja sitt af mörkum til að bæta þjónustuna og auka lífsgæði þeirra einstaklinga sem verið er að styðja
Gott líkamlegt og andlegt atgervi
Góð íslenskukunnátta í töluðu og rituðu máli
Góð almenn tölvukunnátta
Bílpróf
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu