Terra hf.

Terra er líflegur og fjölbreyttur vinnustaður. Hjá félaginu starfa um 260 einstaklingar á starfsstöðvum á nokkrum stöðum á landinu. Alla daga vinnum við af dugnaði og eljusemi að því að gera góða hluti fyrir umhverfið. Við veitum fjölbreytta þjónustu á sviði umhverfismála, einkum á sviði úrgangsstjórnunar og endurvinnslu. Frá 1984 hefur Terra lagt áherslu á að þjóna fyrirtækjum, sveitarfélögum og einstaklingum á hagkvæman og umhverfisvænan hátt þar sem tekið er fullt tillit til aðstæðna á hverjum stað og mismunandi þarfa viðskiptavina. Lögð er áhersla á að koma öllum þeim efnum sem falla til í viðeigandi farveg og aftur inn í hringrásarhagkerfið. Við leggjum mikið upp úr fjölskylduvænu vinnuumhverfi, sterkri liðsheild og jákvæðum og góðum starfsanda. Við erum með öflugt starfsmannafélag sem heldur fjölbreytta viðburði yfir allt árið.

Vinnustaðurinn

Vilt þú smíða framtíðina með okkur - Verkstjóri í stálsmíði

Við leitum að metnaðarfullum og ábyrgum einstaklingi til starfa sem verkstjóri í birgðadeild Terra, nánar tiltekið við stálsmíðaverkstæði og sandblástursþjónustu.

Um er að ræða nýtt og spennandi starf þar sem lögð er áhersla á sjálfstæð vinnubrögð, fagmennsku og framúrskarandi samskiptahæfni.

Starfið býður jafnframt upp á gott tækifæri til að hafa áhrif og taka virkan þátt í mótun nýrrar og öflugrar starfseiningar innan fyrirtækisins.

Helstu verkefni og ábyrgð

Umsjón og skipulag daglegra verkefna á stálsmíðaverkstæði og í sandblæstri
Verkefnastýring og eftirfylgni með rafrænum verkbeiðnum
Samskipti við samstarfsfólk og aðrar deildir innan Terra vegna viðgerða, viðhalds og sérsmíði á stálílátum
Önnur stálsmíðaverkefni t.d. fyrir dótturfélög Terra og sérverkefni fyrir viðskiptavini
Þátttaka í umbótaverkefnum og þróun vinnuferla

Menntunar- og hæfniskröfur

Sveinspróf í stálsmíði, rennismíði eða vélvirkjun er skilyrði. Meistarapróf er mikill kostur
Reynsla af sandblæstri er kostur
Góð tölvukunnátta
Jákvæðni og þjónustulund
Leiðtogahæfni og sjálfstæði í vinnubrögðum
Góð samskiptahæfni og skipulagshæfileikar
Frumkvæði og metnaður í að ná árangri
Íslenska- og/eða enskukunnátta

Öll kyn eru hvött til að sækja um.

Vertu hluti af Terra teyminu þar sem lögð er áhersla á faglega þjónustu og góð samskipti. Við setjum ánægju viðskiptavina í fyrsta sæti og leggjum mikla áherslu á að hafa gaman saman, vaxa sem einstaklingar og þroskast sem sterkur hópur.

Frekari upplýsingar um starfið veitir Karl F. Hilmarsson Thorarensen, [email protected]

Hjá Terra vinnum við í því alla daga að gera góða hluti fyrir umhverfið

Auglýsing birt15. maí 2025

UmsóknarfresturEnginn

Tungumálahæfni