Laus störf Hæfnileit Vinnustaðir Námskeið

Ístex - Lopi

Íslenskur textíliðnaður hf (Ístex hf) er ullarvinnslufyrirtæki sem vinnur að því að skapa sem mest verðmæti úr íslenskri ull. Markmið Ístex er að framleiða hágæða vörur úr íslenskri ull fyrir þá sem kjósa náttúrulegar, sjálfbærar og umhverfisvænar vörur.

Vinnustaðurinn

Viðskiptastjóri/Sérfræðingur í markaðsmálum og greiningu

Hefur þú áhuga á tækifærum í íslenskri ull?

Við hjá Ístex hf. leitum að mögnuðum viðskiptastjóra / sérfræðingi í markaðsmálum og viðskiptagreiningu til að vaxa með okkur með jákvæðni og hugmyndauðgi að leiðarljósi. Verkefnin eru fjölbreytt, þar sem mikið reynir á frumkvæði, mannleg samskipti við aðila frá mismunandi löndum, menningarlæsi og alþjóðlega markaðsetningu í raun- og netheimum.

Helstu verkefni og ábyrgð

Stjórna viðskiptum við ákveðna erlenda viðskiptavini félagsins
Búa til og uppfæra markaðsefni fyrir Lopi, Lopidraumur.is, Lopidesign.is, LopiHome.is, teppi, Lopiloft, Lopifur og aðrar nýjar vörur
Vinna með vefsíður (Istex.is, Lopidesign.is, Lopidraumur.is og LopiHome.is) og aðra samfélagsmiðla félagsins
Keyra markaðsherferðir, fylgjast með, mæla árangur og arðsemi, læra og gera betur
Gera söluáætlanir, kynna þær fyrir sölu- og framleiðsluteymi og framfylgja
Styrkja og verja vörumerki
Styðja við vöruþróun, sækja inn á nýja markaði og glíma við önnur tilfallandi verkefni

Menntunar- og hæfniskröfur

Háskólamenntun eða reynsla sem nýtist í starfi, sér í lagi á sviði markaðsfræði, viðskiptafræði og/eða rekstri.

Þekking og reynsla af markaðs- og sölumálum á alþjóðlegum mörkuðum
Þekking af birgðakeðjum og bestun á vegferð viðskiptavina
Hæfni til að vinna með og eiga jákvæð samskipti við ólíka aðila með fjölbreytilega reynslu og þarfir
Sterk ensku kunnátta er mikilvæg, önnur tungumálakunnátta líkt og norðurlandamál, þýska og franska er líka mikilvægur kostur
Góð tölvukunnátta og -læsi, m.a. í Shopify, Google Analytics, WordPress, öðrum netumsýslukerfum, Power BI og Excel – hæfni til að vinna með stórar gagnaraðir
Brennandi áhugi á íslenskri ull

Um Ístex

Íslenskur textíliðnaður hf (Ístex hf) er ullarvinnslufyrirtæki sem vinnur að því að skapa sem mest verðmæti úr íslenskri ull. Lögð er sérstök áherslu á þróunarverkefni til að skapa spennandi tækifæri til að vaxa og dafna.

Markmið Ístex er að framleiða hágæða vörur úr íslenskri ull fyrir þá sem kjósa náttúrulegar, sjálfbærar og umhverfisvænar vörur.

Fyrirtækið rekur ullarþvottarstöð á Blönduósi og spuna- og bandverksmiðju í Mosfellsbæ. Ullarvinnsla í Mosfellsbæ hefur staðið samfleytt frá árinu 1896, áður undir nafninu Álafoss. Ístex hf tók við starfseminni árið 1991. Bændur eiga yfir 80% hlut í Ístex.

Ístex kaupir ull beint frá bændum en félagið þvær og meðhöndlar um 98-99% af allri íslenskri ull. Ístex miðar að því að lágmarka umhverfisáhrif sín. Þvegin ull og handprjónaband er vottuð samkvæmt STANDARD 100 frá OEKO-TEX®.

Ístex framleiðir handprjónaband úr íslenskri ull og má þar nefna Léttlopa, Álafosslopa, Fjallalopa, Einband, Jöklalopa og Plötulopa. Ístex gefur út handprjónabækur með fjölbreyttri hönnun. Þá framleiðir Ístex ullarteppi og Lopidraumur sængur úr íslenskri ull. Aðrar nýjar vörulínur eru Lopiloft og Lopifur. Vörur Ístex eru seldar víða um heim, en um 60% af tekjum koma erlendis frá.

Nánari upplýsingar má finna á Istex.is.

Stefna Ístex er að stuðla að jafnrétti og fjölbreytileika meðal starfsfólks og hvetjum við hæfileikaríka einstaklinga af öllum kynjum til að sækja um. Umsókn skal fylgja ferilskrá og kynningarbréf á íslensku og ensku.

Auglýsing birt25. júní 2026

Umsóknarfrestur15. júlí 2026

Tungumálahæfni