Laus störf Hæfnileit Vinnustaðir Námskeið

Málmsteypan

Málmsteypan er elsta starfandi endurvinnsla landsins og á sér yfir 80 ára sögu. Á þeim tíma hefur fyrirtækið þróast í takt við þarfir samfélagsins og er í dag eina járnsteypan á Íslandi og traustur samstarfsaðili í fráveitulausnum og innviðaverkefnum. Kjarnastarfsemi Málmsteypunnar er að bjóða heildarlausnir í fráveitu. Við flytjum inn og seljum rör, brunna og tengihluti sem standast íslenskar aðstæður og endast í yfir 100 ár, samhliða okkar eigin framleiðslu á hágæða steypujárnsvörum þar sem brotajárn sem fellur til hérlendis er endurunnið í endingargóðar vörur. Við störfum náið með verktökum, sveitarfélögum og byggingaraðilum um allt land og erum stolt af því að lausnir okkar liggi undir mörgum af stærstu framkvæmdum landsins. Sjálfbærni, áreiðanleiki og þjónusta eru leiðarljós okkar þegar við byggjum upp innviði framtíðar á Íslandi.

Vinnustaðurinn

Tæknilegur söluráðgjafi

Málmsteypan leitar að metnaðarfullum og tæknilega sterkum söluráðgjafa til að taka ábyrgð á uppbyggingu og þróun hitaveituvöruflokks fyrirtækisins. Um er að ræða lykilhlutverk þar sem unnið er bæði með sölu, tæknilega ráðgjöf og markvissa viðskiptaþróun í nánu samstarfi við viðskiptavini og birgja.

Helstu verkefni og ábyrgð

Umsjón með hitaveituvörum og markviss þróun vöruflokksins
Tilboðsgerð, magntaka, yfirferð teikninga og verðútreikningar
Samskipti við birgja, innkaup og eftirfylgni með vöruframboði
Samskipti, ráðgjöf og heimsóknir til lykilviðskiptavina og annarra hagsmunaaðila
Umsjón með pöntunum og afgreiðslu ásamt þjónustu til viðskiptavina
Þátttaka í viðskiptaþróun, m.a. með bættu þjónustuferli, þróun vöruframboðs og leit að nýjum lausnum

Menntunar- og hæfniskröfur

Sterkur tæknilegur bakgrunnur sem nýtist í starfi, t.d. verkfræði, tæknifræði eða sambærilegt
Góð þekking og skilningur á kerfum, teikningum og tæknilegum lausnum
Reynsla af tilboðsgerð, kostnaðarmati eða sambærilegum verkefnum er kostur
Frumkvæði og geta til að vinna sjálfstætt að uppbyggingu vöruflokks
Góð samskiptafærni og þjónustulund
Skipulagshæfni og drifkraftur í verkefnum

Nánari upplýsingar

Hlynur Atli Magnússon – [email protected]

Auglýsing birt19. júní 2026

Umsóknarfrestur2. júlí 2026

Tungumálahæfni

Engar sérstakar tungumálakröfur

Staðsetning

Miðhraun 6, 210 Garðabær

Starfstegund

Starfsgreinar

Starfsmerkingar

Sambærileg störf (12)