Deildarstjóri vefverslunar í Húsasmiðjunni

Deildarstjóri vefverslunar

Leitum að öflugum aðila til að stýra vefverslunardeild Húsasmiðjunnar í Skútuvogi. Deildarstjóri vefverslunar hefur umsjón með og ber ábyrgð á afgreiðslu allra pantana í vefverslun og þjónustu við viðskiptavini vefverslunar hjá Húsasmiðjunni og Blómaval. Starf deildarstjóra vefverslunar er fjölbreytt og felur m.a. í sér tiltekt á öllum pöntunum úr vefverslun, pökkun og merkingu sendinga, samskipti við viðskiptavini og starfsfólk Húsasmiðjunnar um land allt, samskipti við flutningsaðila, aðstoð við vörumyndatökur og skráningu í vöruskrá vefverslunar og fleira.

Deildarstjóri vefverslunar er í miklum samskiptum við allar verslanir Húsasmiðjunnar, vöruhús, markaðsdeild og vefstjóra Húsasmiðjunnar. Deildarstjóri vefverslunar er staðsettur í verslun Húsasmiðjunnar í Skútuvogi þar sem tiltekt á vörum fer fram og starfar hann náið með öflugu starfsfólki verslunarinnar. Deildarstjóri heyrir undir rekstrarstjóra Húsasmiðjunnar og Blómavals í Skútuvogi.

Hæfniskörfur:

• Skipulögð og öguð vinnubrögð
• Rík þjónustulund
• Góð almenn tölvuþekking
• Brennandi áhugi á uppbyggingu vefverslunar
• Lausnamiðuð hugsun og jákvæðni
• Geta til að vinna undir álagi
• Rík hæfni í mannlegum samskiptum

Hægt er að fá nánari upplýsingar um starfið með því að senda póst á rekstrarstjóra, [email protected]

Við hvetjum öll til þess að sækja um, óháð kyni.

Húsasmiðjan er líflegur vinnustaður með góðan starfsanda og sterka liðsheild. Húsasmiðjan leggur áherslu á að nýta til hins ýtrasta hæfni, frumkvæði og þekkingu samhents hóps rúmlega 500 starfsmanna sem starfa hjá fyrirtækinu. Lögð er rík áhersla á símenntun og fræðslu og að starfsmenn eigi þess kost að eflast og þróast í starfi.

Gildin okkar eru: Gleði - Kraftur - Fagmennska