Laus störf Hæfnileit Vinnustaðir Námskeið

Mi búðin

Mi búðin er viðurkenndur sölu- og dreifingaraðili fyrir snjalltækjaframleiðandann Xiaomi, einnig þekkt sem einfaldlega Mi. Mi á Íslandi rekur Mi búðina ásamt Mi verkstæði, bæði staðsett í Ármúla 21. Þó Xiaomi sé tiltölulega nýtt fyrirtæki þá hefur það skipað sér sterkan sess í tækniheiminum með áreiðanlegum tækjum á góðu verði. Frá árinu 2014 hefur Xiaomi verið einn af fimm stærstu farsímaframleiðendur í heiminum og stærsti farsímaframleiðandi í Asíu. Eitt vinsælasta rafmagnshlaupahjól landsins og þó víðar væri leitað er Mi Electric Scooter.

Vinnustaðurinn

Sölufulltrúi í verslun

Mi búðin leitar að hressum, metnaðarfullum og jákvæðum sölufulltrúa í fjölbreytt og skemmtilegt starf. Um er að ræða fullt starf í sumar með möguleika á áframhaldandi hluta- eða fullu starfi eftir sumarið.
Mi búðin er spennandi starfsvettvangur með mikla möguleika fyrir réttan aðila til þess að vaxa og dafna með ört stækkandi fyrirtæki.

Vinnutími verður eftir samkomulagi en verslunin er opin á milli kl. 11-18 á virkum dögum og á laugardögum milli kl. 12-16.

Æskilegt er að umsækjendur geti hafið störf sem fyrst.

Helstu verkefni og ábyrgð

Afgreiða viðskiptavini.
Svara síma, tölvupóstum og samfélagsmiðlum.
Afgreiða netpantanir.
Halda verslun snyrtilegri.
Taka á móti sendingum og skanna inn í kerfi.
Tilfallandi störf.

Menntunar- og hæfniskröfur

Framúrskarandi sölumennska og mannleg samskipti.
Reynsla af sölustarfi æskileg.
Frumkvæði og sjálfstæð vinnubrögð.
Þekking á raftækjum og áhugi á tækninýjungum.
Gott vald á íslenskri tungu, bæði í skrifuðu- og töluðu máli.
Góð almenn tölvukunnátta.
Gott skipulag.

Fríðindi í starfi

Fjölbreytt og skemmtilegt starf þar sem enginn dagur er eins.

Möguleiki á vexti í starfi.

Öflugt starfsmannafélag.

Mi búðin er viðurkenndur sölu- og dreifingaraðili raftækjarisans Xiaomi á Íslandi ásamt vörumerkjum eins og Roborock, Yeelight, Kingsmith og fleirum. Xiaomi framleiðir fjölda raftækja á borð við rafmagnshlaupahjólið Mi Electric Scooter, skjávarpa, ryksuguvélmenni og er í dag þriðji stærsti farsímaframleiðandi í heimi.

Vefsíða Mi búðarinnar er www.mibudin.is. Mi búðin er í Ármúla 21, 108 Reykjavík.

Nánari upplýsingar veitir Kristján, rekstrarstjóri í tölvupósti á [email protected].

Auglýsing birt13. júní 2026

Umsóknarfrestur12. júlí 2026

Tungumálahæfni