Vertu hluti af stafrænni umbyltingu í hönnun!

Vegna góðrar verkefnastöðu og áframhaldandi þróunar á verklagi leitum við að öflugum einstaklingi í hópinn okkar. Ef þú brennur fyrir tæknibyltingu í mannvirkjagerð, þverfaglegri samvinnu og samræmingu hönnunar þá er þetta starfið fyrir þig.

Við leitum að einstaklingi með reynslu af BIM stjórnun innan verkefna til að vinna að fjölbreyttum verkefnum í byggingum, samgöngum, innviðum, orku og iðnaði.

Verkís er leiðandi ráðgjafarfyrirtæki í BIM á Íslandi. Síðustu ár höfum við innleitt BIM aðgerðaáætlun, nýtt skýjalausnir við samræmingu og árekstragreiningu, þrívíða leiserskönnun, sýndarveruleikafundi og skýjalausnir við hönnunarrýni – og erum að taka fyrstu skrefin í átt að aukinni sjálfvirkni í hönnun.