Aðstoðarmaður sviðsstjórnar

Á Iðnaðarsviði Verkís erum við að byggja upp nýjan og spennandi málaflokk þar sem unnið er að fjölbreyttum og krefjandi verkefnum fyrir íslenskan og alþjóðlegan iðnað.

Nú leitum við að öflugum og skipulögðum aðstoðarmanni til að styðja við stjórnendur sviðsins í daglegum verkefnum.

Þetta er fjölbreytt starf þar sem aðstoðarmaður sviðsstjórnar er mikilvægur hlekkur í daglegri starfsemi sviðsins. Við leitum að einstaklingi sem er jákvæður, skipulagður, þjónustulundaður og nýtur þess að hafa yfirsýn yfir verkefni.