Laus störf Hæfnileit Vinnustaðir Námskeið

Þjóðskrá

Hlutverk Þjóðskrár er að greiða götu fólks og fyrirtækja í samfélaginu og gæta upplýsinga um réttindi þeirra. Við sinnum því með því að safna, varðveita og miðla upplýsingum. Innan starfssviðs Þjóðskrár er rekstur þjóðskrár, útgáfa skilríkja m.a. vegabréf og nafnskírteini, útgáfa vottorða ásamt ábyrgð á kjörskrárstofnum.

Vinnustaðurinn

Fulltrúi í þjónustu

Þjóðskrá leitar að metnaðarfullum einstaklingi með ríka þjónustulund á sviði Þjónustu og skráningar hjá stofnuninni. Viðkomandi mun starfa með sterku teymi þvert á stofnunina að fjölbreyttum verkefnum. Þjóðskrá leggur áherslu á góða þjónustu og nýtingu stafrænna lausna og mikilvægt er að umsækjendur samsami sig þeirri sýn. Verkefnin eru krefjandi, mikilvægt er að sýna frumkvæði og vera lausnamiðaður.

Helstu verkefni og ábyrgð

Símsvörun, netspjall og svörun tölvupósts.
Móttaka og afgreiðsla viðskiptavina í afgreiðslu.
Leiðbeina viðskiptavinum í sjálfsafgreiðslu í afgreiðslurými.
Skráningar í kerfum Þjóðskrár.
Innleiðing og mótun stafrænna lausna.
Þátttaka í umbótastarfi.

Menntunar- og hæfniskröfur

Þekking sem nýtist í starfi.
Stúdentspróf og/eða marktæk reynsla af þjónustustörfum.
Gott tölvulæsi.
Góð íslensku- og enskukunnátta.
Frumkvæði, þjónustulund og sjálfstæð vinnubrögð.
Lipurð í mannlegum samskiptum og vinnur vel í hóp.
Vandvirk vinnubrögð.
Hreint sakavottorð

Um er að ræða fullt starf og laun samkvæmt kjarasamningum ríkisstarfsmanna og Sameykis. Umsóknarfrestur er til og með 29.09.2025.

Umsókn skal fylgja starfsferilskrá og kynningarbréf. Umsóknir sendast í ráðningarkerfi Alfreðs. Athygli er vakin á að umsóknir geta gilt í 6 mánuði frá því umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.
Nánari upplýsingar veita Gígja Hjaltadóttir mannauðssérfræðingur – [email protected] og Júlía Þorvaldsdóttir, framkvæmdastjóri Þjónustu og skráningar - [email protected]

Hlutverk Þjóðskrár er að greiða götu fólks og fyrirtækja í samfélaginu og gæta upplýsinga um réttindi þeirra. Það gerum við með því að safna, varðveita og miðla upplýsingum um íbúa landsins.

Við leggjum ríka áherslu á jákvæð samskipti og góða samvinnu sem er undirstaða góðrar þjónustu. Við teljum eftirsóknarvert að fá til liðs við okkur þau sem vilja starfa í anda gilda okkar um gleði, kraft og samvinnu. Ef þú gætir hugsað þér að vinna í heilbrigðu og hvetjandi starfsumhverfi þar sem raddir allra skipta máli þá hvetjum við þig til að sækja um. Við hvetjum öll kyn til að sækja um. Kostur ef viðkomandi getur hafið störf sem fyrst.

Þjóðskrá er Stofnun ársins 2023 og 2024 og hefur hlotið Hinsegin vottun Samtakanna 78.

Auglýsing birt19. september 2025

Umsóknarfrestur29. september 2025

Tungumálahæfni