Laus störf Hæfnileit Vinnustaðir Námskeið

Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Verkefnisstjóri gagnaumsýslu

Laust er til umsóknar, fullt starf verkefnisstjóra í gagnaumsýslu (gagnahirðis) hjá GAGNÍS sem heyrir undir miðlæga gagnaþjónustu Vísinda- og nýsköpunarsviðs Háskóla Íslands.

GAGNÍS er gagnaþjónusta og varðveislusafn fyrir rannsóknargögn á Íslandi og er samstarfsverkefni allra háskóla á landinu. Hlutverk gagnaþjónustunnar er að taka við rannsóknargögnum til varðveislu og birtingar í opnum aðgangi, án endurgjalds, eftir alþjóðlegum gæðaviðmiðum.

Helstu verkefni og ábyrgð

Alhliða gagnahirðing og umsýsla gagna sem hýst eru í varðveislugagnasafni GAGNÍS
Umsjón með Dataverse gagnahýsingarkerfi GAGNÍS
Skráning gagna samkvæmt DDI staðli (e. Data Documentation Initiative)
Ráðgjöf og aðstoð við gagnaeigendur vegna gagna sem send eru til hýsingar hjá GAGNÍS
Ráðgjöf til gagnanotenda við leit og hagnýtingu gagna í opnum aðgangi
Þróun og viðhald verkferla varðandi móttöku og afhendingu gagna, gagnavernd og upplýst samþykki
Þróun og viðhald gæðahandbókar í samræmi við FAIR gæðaviðmið um umsýslu vísindagagna (e. FAIR Guiding Principles for Scientific Data Management)
Umsjón á vefsvæði GAGNÍS
Stuðningur og leiðbeiningar við gerð gagnastjórnunaráætlana
Samskipti við innlenda og erlenda hagsmuna- og samstarfsaðila

Menntunar- og hæfniskröfur

Háskólapróf sem nýtist í starfi t.d. með áherslu á aðferðafræði rannsókna og gagnaúrvinnslu, meistarapróf á tengdu sviði er kostur
Reynsla af gagnameðhöndlunarforritum er æskileg
Reynsla af meðhöndlun rannsóknargagna er kostur
Reynsla af birtingu gagna í opnum aðgangi er kostur
Nákvæmni og samviskusemi
Frumkvæði og góð samskiptahæfni
Góð kunnátta í íslensku og ensku, bæði rituðu og töluðu máli

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlunH skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Auglýsing birt5. mars 2026

Umsóknarfrestur13. mars 2026

Tungumálahæfni