Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Verkefnastjóri þjónustu - Heilsugæslan Efstaleiti

Heilsugæslan Efstaleiti leitar að skipulögðum og drífandi einstaklingi í spennandi og fjölbreytt starf verkefnastjóra þjónustu, sem jafnframt sinnir hlutverki aðstoðarmanns svæðisstjóra.
Við leitum að einstaklingi sem getur unnið sjálfstætt, hugsar í lausnum og hefur brennandi áhuga á því að styðja við og efla gæði þjónustunnar. Heilsugæslan leggur áherslu á þverfaglega og góða samvinnu fagstétta með hag skjólstæðingsins að leiðarljósi, þar sem teymisvinna er í lykilhlutverki.

Um er að ræða 100% ótímabundið starf og er æskilegt að viðkomandi getið hafið störf 1. nóvember nk. eða eftir nánara samkomulagi.

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

Hefur yfirsýn yfir rekstur stöðvarinnar í samráði við svæðisstjóra
Er aðstoðarmaður svæðisstjóra
Stýrir daglegum rekstri skrifstofu heilsugæslustöðvar
Þátttaka í ráðningarferli starfsfólks og móttöku nýrra starfsmanna í samráði við svæðisstjóra og stoðsvið HH
Mótun, samræming og eftirfylgni verklagsreglna
Þátttaka í úttektum og framsetningu tölulegra gagna um þjónustuna, Þjónustukannanir og árangursmælingar
Gæða- og öryggismál starfsstöðvar í samráði við svæðisstjóra, stuðlar að gæðaþróun og árangursmati í starfi stöðvar
Halda utan um kerfisumsjón á starfstöð
Ráðgjöf og þjónusta við starfsmenn og þjónustuþega
Fylgist með skráningu skjólstæðinga á stöðina og skiptingu þeirra á lækna
Stuðlar að góðri vinnustaðamenningu
Þátttaka í áætlanagerð
Mótun, samræming og eftirfylgni verklagsreglna í tengslum við ráðningarferli og mannauðsmál
Önnur mannauðstengd verkefni í samráði við svæðisstjóra