Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Verkefnastjóri innkaupa á fjármálasviði

Laust er til umsóknar fullt starf verkefnastjóra innkaupa á fjármálasviði Háskóla Íslands.

Fjármálasvið er eitt af þjónustu- og stoðsviðum sameiginlegrar stjórnsýslu Háskóla Íslands. Hlutverk fjármálasviðs er að halda utan um reikningshald, fjárhagsáætlanir, innkaup og ferðaheimildir. Fjármálasvið starfar í náinni samvinnu við fræðasvið og stofnanir háskólans. Fjármálasvið er staðsett í aðalbyggingu Háskóla Íslands. Verkefni fjármálasviðs taka mið af stefnu Háskóla Íslands HÍ26 þar sem m.a. er lögð áhersla á notendamiðaða þjónustu.

Helstu verkefni og ábyrgð

Umsjón með innkaupakerfi og kerfi fyrir rafrænar innkaupabeiðnir, viðhald stofnupplýsinga og þróun á notkun kerfanna
Innkaupagreiningar
Innleiðing og eftirfylgni nýrra lausna á sviði innkaupamála, þá sérstaklega rafrænar lausnir, t.d. með notkun ferla-og þarfagreininga
Ráðgjöf og fræðsla í tengslum við tölvukerfi innkaupa- og ferðamála
Aðkoma að ýmsum innkaupum með ráðgjöf, aðstoð eða umsjón kaupa
Aðkoma að afgreiðslu ferðabeiðna og kaupum á fargjöldum
Þátttaka í teymisvinnu og umbótaverkefnum á fjármálasviði

Menntunar- og hæfniskröfur

Háskólapróf sem nýtist í starfi t.d. á sviði viðskiptafræði, verkfræði eða öðru sambærilegu sviði
Reynsla af innkaupum og greiningum er æskileg
Gott vald á upplýsingatækni og hæfni til að tileinka sér nýjungar á því sviði. Reynsla af innleiðingu rafrænna lausna er kostur
Kunnátta í íslensku og ensku, bæði í ræðu og riti
Frumkvæði og sjálfstæði í störfum
Þjónustulund, sveigjanleiki og lipurð í mannlegum samskiptum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um 2-3 umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Nánari upplýsingar veitir:

Tryggvi Þorsteinsson, innkaupastjóri - tryggvi@hi.is - 8251211

Auglýsing birt2. janúar 2025

Umsóknarfrestur13. janúar 2025

Tungumálahæfni