Verkefnastjóri í innkaupastjórn

Fjársýslusvið Akureyrarbæjar óskar eftir að ráða verkefnastjóri í innkaupastjórn og innra eftirliti í 100% starf. Um er að ræða starf sem felur í sér fjölbreytt og krefjandi verkefni, s.s. utanumhald og ábyrgð á útboðum, eftirlit með áætlunum og kostnaðargreiningar, þróun og uppsetningu á rekstrarskýrslum í Power BI, samskipti og miðlun upplýsinga til birgja, stjórnenda innan stjórnsýslunnar og kjörinna fulltrúa sem og markvissa gagnaöflun og skjölun gagna.

Verkefnastjórinn ber ábyrgð á eigin verkefnum.

Fjársýslusvið skiptist í þrjár deildir, bókhald, fjárreiðudeild og hag- og áætlanadeild þar sem verkefnastjóri í innkaupastjórn og innra eftirliti starfar. Innan hag- og ætlunardeildar er höfð umsjón með gerð starfsáætlana- og fjárhagsáætlanagerð sviða og stofnana bæjarins, og eftirfylgni með áætlunum. Deildin sér um spár um íbúa- og hagþróun í bænum, ráðgjöf og fræðslu til stjórnenda, stjórnunarúttektir á starfseiningum og útgáfu tölulegra upplýsinga sem varða bæjarfélagið. Þá annast deildin innkaupastjórn, undirbýr útboð á rekstrarvörum og rekstur tölvukerfa í áætlunargerð og gagnadreifingu. Jafnframt sinnir deildin innra kostnaðareftirliti.

Á fjársýslusviði er almennt unnið virka daga frá 8-16 en vinnutími er sveigjanlegur. Vinnutími fjársýslusviðs er 36,5 tímar á viku.

Um framtíðarstarf er að ræða og æskilegt að viðkomandi geti hafið störf sem fyrst.