Verkefnastjóri hjá Endurmenntun HÍ

Endurmenntun HÍ leitar að verkefnastjóra í fullt starf. Verkefnastjórinn er hluti af teymi sem vinnur að þróun og umsjón fræðslu og náms. Starfsfólk Endurmenntunar HÍ starfar við að efla hæfni og þekkingu fólks í starfi og einkalífi. Með nýsköpun, góðum tengslum við atvinnulífið og traustan grunn í Háskóla Íslands hefur Endurmenntun HÍ verið í fararbroddi í símenntun á Íslandi í 40 ár.

Helstu verkefni og ábyrgð

Yfirumsjón og ábyrgð á framkvæmd námsbrauta Endurmenntunar HÍ
Samskipti og samstarf við nemendur, kennara og samstarfsaðila við HÍ og í atvinnulífinu
Nýsköpun og þróun
Gerð fjárhags- og tímaáætlana og eftirfylgni

Menntunar- og hæfniskröfur

Menntun sem nýtist í starfi
Reynsla af verkefnastjórnun, t.d. af umsjón, skipulagi eða þróun fræðslu/náms er æskileg
Reynsla af vinnu við stafrænt fræðsluefni er kostur
Frumkvæði, nákvæmni og sjálfstæði í vinnubrögðum
Góð samstarfs- og samskiptahæfni og þjónustulund
Góð íslenskukunnátta í ræðu og riti
Góð tölvukunnátta

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt að viðkomandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Nánari upplýsingar um starfið veitir Jóhanna Rútsdóttir á netfanginu [email protected] og í síma 525-4444.

Auglýsing birt4. september 2025

Umsóknarfrestur15. september 2025

Tungumálahæfni