Úttekt á gæðum í starfi fræðsluaðila í framhaldsfræðslu
Útboð – úttekt á gæðum í starfi fræðsluaðila í framhaldsfræðslu . Verðtilboð óskast
Fræðslumiðstöð atvinnulífsins (FA) óskar eftir úttektaraðila til að meta gæði hjá fræðsluaðilum í framhaldsfræðslu út frá gæðakerfinu EQM/EQM+. Verkefnið er að framkvæma úttektir og leggja mat á hvort gæði hjá viðurkenndum fræðsluaðilum innan framhaldsfræðslu standist kröfur gæðakerfisins sem um ræðir. Meginhlutverk matsaðila er að tryggja gildi lýsingar fræðsluaðila á gæðaferlinu sem notað er og meta hlutlægt hvort gögn og aðrar upplýsingar uppfylli skilyrði. Sjá nánar á vef FA: frae.is/gaedavottun/.
Óskað er eftir tilboði í:
- Úttektir hjá fræðsluaðilum samkvæmt gæðaviðmiðum EQM/EQM+.
- Samstarf við FA vegna skipulags og framkvæmdar á úttektum og eftirliti gæðastjórnunar.
- Reglulegir fundir með FA um framkvæmd, niðurstöður úttekta og þróun gæðakerfisins.
Í lok árs 2023 eru tæplega 20 aðilar, víðsvegar á landinu með EQM/EQM+ gæðavottun og er gert ráð fyrir að svipaður fjöldi verði með vottunina næstu ár. Vottun er gefin út til þriggja ára. Í aðdraganda vottunar er gerð krafa um að úttektaraðili heimsæki alla fræðsluaðila sem óska vottunar. Gerður er samningur til þriggja ára.
- Háskólamenntun sem nýtist í starfi
-
Víðtæk þekking og skilningur á fræðslustarfi og faglegum þáttum í námi fullorðinna.
-
Þekking á lögum og reglugerðum um framhaldsfræðslu ásamt innsýn í þróun á hæfni í atvinnulífinu.
-
Reynsla af ferla- og gæðamálum
-
Umtalsverð reynsla af gæðaúttektum og/eða náms- og sjálfsmati.
- Sjálfstæð og fagleg vinnubrögð ásamt jákvæðu viðhorfi
Íslenska
