Laus störf Hæfnileit Vinnustaðir Námskeið

Harpa tónlistar- og ráðstefnuhús

Hjá Hörpu tónlistar- og ráðstefnuhúsi starfar rúmlega 90 manna samhentur og metnaðarfullur hópur í skapandi og skemmtilegu starfsumhverfi. Hlutverk Hörpu er að vera vettvangur fyrir tónlistar- og menningarlíf sem og hvers konar ráðstefnur, fundi og samkomur, innlendar og erlendar. Hlutverk hússins er jafnframt að vera menningarmiðstöð fyrir alla landsmenn og áfangastaður innlendra og erlendra ferðamanna. Harpa leggur ríka áherslu á sjálfbærni og hefur mótað sér mannréttinda- og jafnréttisstefnu, hefur hlotið jafnlaunavottun og viðurkenningu Jafnvægisvogarinnar 2024. Harpa er Svansvottað ráðstefnuhús og hefur uppfyllt öll Græn skref Umhverfisstofnunar um rekstur.

Vinnustaðurinn

Þjónustufulltrúi gestastofu og miðasölu

Harpa leitar að jákvæðum og þjónustulunduðum eintaklingi til starfa í gestastofu og miðasölu Hörpu.

Hafir þú áhuga á að starfa í fjölbreyttu og lifandi umhverfi og taka þátt í að skapa jákvæða upplifun fyrir gesti Hörpu, þá gæti þetta verið áhugavert fyrir þig.

Um er að ræða hlutastarf, 50-60%. Unnið er virka daga og að hluta til um helgar.

Helstu verkefni og ábyrgð

Sala og þjónusta í gestastofu og miðasölu Hörpu.
Svara gestum í síma, tölvupósti og á samfélagsmiðlum.
Veita skýrar og góðar upplýsingar til gesta, bæði Íslendinga og erlendra ferðamanna.
Uppgjör í lok vaktar.
Samstarf við önnur svið fyrirtækisins og þjónusta við viðburðahaldara.
Halda góðri yfirsýn yfir dagskrá hússins.